Kún tártibi bekitildi

Senat tóraǵasy osy aptada Palatanyń 2023 jyldaǵy qory­tyndy otyrysy ótetinin atap ótti. Aldaǵy ýaqytta sena­torlardyń óńirlerge sapar­­lary bastalady. Máýlen Áshim­­baev kezdesýler barysyn­da halyqqa júrgizilip jat­qan konstıtýsııalyq refor­malar­dyń mánin jáne Parlament qabyldaǵan zańdardyń negizgi erejelerin jan-jaqty túsin­dirýdiń mańyzdy ekenin aıtty.

«Keler jyldyń alǵashqy kúnderi barlyq depýtat óńir­lerge shyǵady. Osy oraıda shalǵaı eldi me­kenderdiń tur­ǵyn­darymen jáne eńbek ujym­darymen kezdesip, azamattardy alańdatqan máse­le­ler­di sheshýge oń yqpalymyzdy tıgizý asa mańyzdy», dedi Palata spıkeri.

Bekitilgen kún tártibine sáıkes 26 jeltoqsan kúni sena­tor­­lar «Qazaqstan Respýb­lıka­sy­nyń keıbir zańnamalyq akti­lerine jer qoınaýyn paı­dalaný jáne ekologııa máse­leleri boıyn­sha ózgerister men to­lyq­­tyrýlar engizý týraly» zań­dy ekin­shi oqylymda qaraı­dy. Qu­jat normalary sarap­tama mer­zim­derin 8-12 aıǵa qys­qartýdy, ákimshilik shyǵyn­dardy joıý­dy jáne geologııalyq bar­laý­dyń ınvestısııalyq tar­tym­dylyǵyn arttyrý jónin­degi sharalardy qosa alǵanda, jer qoınaýyn paıdalaný sala­syn­daǵy zańnamany jetildirýdi kózdeıdi.

Al 28 jeltoqsan kúni ótetin Palata otyrysynda Senat depýtaty Bıbigúl Aqqojınanyń ant qabyldaýy jáne ony turaq­ty komıtettiń quramyna saılaý máseleleri qaralady.

Sonymen qatar bul kúni depýtattar «2002 jylǵy 7 qazan­daǵy Ujymdyq qaýipsizdik týraly shart Uıymynyń Jarǵysyna ózgerister engizý týraly tór­tinshi hattamany ratıfıkasııalaý týraly» zańdy qaraıdy. Atalǵan zańnyń normalary Uıymǵa múshe memleketterdiń ózara is-qımyl aıasyn keńeıtýge jáne Uıym hat­shylyǵynyń kadr máselelerin jedel sheshýge arnalǵan.

Otyrys barysynda «Qazaq­stan Respýblıkasynyń keıbir zańnamalyq aktilerine eksport­tyq-kredıttik agenttik jáne shıki­z­attyq emes taýar­lardyń (ju­mys­tar­dyń, kórsetiletin qyz­met­terdiń) eksportyn ilge­ri­letý máseleleri boıynsha ózge­ris­ter men tolyq­ty­rýlar engizý týraly» zań da qaralady. Qu­jat Memleket basshysynyń tap­syr­masyn oryndaý úshin ázir­­lendi. Ol shıkizattyq emes eksport­ty damytý jáne ilgeri­letý sa­lasyndaǵy ulttyq ın­s­tıtýt már­tebesine ıe eksport­tyq-kredıttik agenttik qurýdy kózdeıdi.

Sondaı-aq Bıýro otyrysynda depýtattar Senattyń Jobalyq keńsesiniń turaqty quramy týraly máseleni qarady jáne Parlament Májilisinen kelip túsken zańdar Palatanyń turaqty komıtetterine bólinip berildi.