– Sotqa deıingi tergeý barysynda Smaıylovanyń “NeMolchıKZ” qorynyń basshysy ekeni, sonymen qatar ózin qoǵam belsendisi, quqyq qorǵaýshy jáne áıelder men balalarǵa qatysty zorlyq-zombylyqpen kúresýshi retinde kórsetetindigi anyqtaldy.
Ol óz qyzmetin áleýmettik jelilerde keńinen jarııalaıdy. Alaıda Smaıylovanyń kóptegen jarııalanymdary shyndyqqa janaspaıdy, sebebi olar tergeýmen rastalmaǵan. Onyń jalǵan habarlarymen quqyǵy buzylǵan azamattar shaǵym túsirdi. Tergeý men júrgizilgen sot saraptamalary kórsetkendeı, “NeMolchıKZ” qorynyń basshysy tek óziniń sýbektıvti pikirine súıene otyryp, aıyptaý basylymdaryn jazǵan.
Smaıylova jalǵan aqparat taratýmen qatar 2021 jyldan bastap, ózi Qazaqstan Respýblıkasynan tys jerde bola tura, óziniń áleýmettik jelilerdegi paraqshalarynda zorlyq-zombylyq qurbandaryna kómek kórsetý úshin qarajat jınaıtyndyǵy týraly jarııalaǵan. Máselen, Shyǵys Qazaqstan oblysynyń polısııa departamenti tergep jatqan alaıaqtyq boıynsha qylmystyq is aıasynda aǵymdaǵy jyldyń sáýir aıynda Smaıylova О́skemen qalasynda kámeletke tolmaǵan qyzdyń ózine qol jumsaǵany týraly jalǵan málimet jarııalaǵany anyqtaldy. Sodan keıin ol qaza bolǵan adamnyń otbasyna kóńil aıtyp, bul jaǵdaıdy joqqa shyǵarǵan polısııaǵa senbeı, óz-ózine qol jumsaý áreketiniń bolǵandyǵyn jáne qyzdyń aýrýhanada jatqandyǵyn málimdegen.
Alaıda bul jarııalanymdardyń barlyǵy jalǵan bolyp shyqty, óıtkeni is júzinde sýısıd bolǵan joq. Atalmysh kámeletke tolmaǵan qyz zardap shekken buzaqylyq faktisi boıynsha qylmystyq is sotqa jiberildi. Osyǵan qaramastan, Smaıylova jábirlenýshiniń advokaty úshin aqsha jınaý týraly jarııalap, sot prosesi kezinde 20 mln teńgeden astam qarajat jınaǵan. Onyń az ǵana bóligin issapar shyǵyndaryna tólegen. Alaıda sotta advokattyń qyzmetterin jábirlenýshi taraptyń ózi tólegeni belgili boldy, bul sottalýshylardyń qorǵaýshylarynyń narazylyǵyn týdyrdy, – dedi IIM tergeý departamenti bastyǵynyń orynbasary Samat Aısov.
Alaıaqtyq boıynsha taǵy bir qylmystyq isti Almaty oblysynyń polısııa departamenti kámeletke tolmaǵan zorlyq-zombylyq qurbanyna kómek kórsetý úshin aqsha jınaý faktisi boıynsha qozǵady.
– Bul jaǵdaıda Smaıylova bir otbasyndaǵy zorlyq-zombylyq týraly jalǵan habarlama jarııalap, oqyrmandarynan aqsha aýdarýdy surap, jubaıynyń Kaspi kartasynyń rekvızıtterin kórsetken. Tergeý barysynda zorlyq-zombylyq faktisi rastalmady. Biraq bank málimetterine sáıkes kórsetilgen ýaqyt ishinde Smaıylova taǵy da birneshe mıllıon teńge jınap úlgergen.
Sonymen qatar sottyń sanksııasymen alynǵan bank málimetterin taldaý barysynda Smaıylova Qordyń qarjylyq qyzmeti retteletin “Kommersııalyq emes uıymdar týraly” Zańnyń talaptaryn buza otyryp, ózi shetelde bola turyp, aýdarymnan túsken aqshany jubaıynyń jeke kartochkasyna alǵany, sondaı-aq aqshany óz qajettilikterine jumsaǵany anyqtaldy.
Alynǵan dáleldemelerdi eskere otyryp, tergeý organy Smaıylovanyń is-áreketin Qylmystyq kodekstiń 190-babynyń 3-bóligi boıynsha saralap, 27 jeltoqsanda oǵan izdeý jarııalandy. Sotqa deıingi tergeý jalǵasyp jatyr, – dedi Samat Aısov.
