Astanadan Almatyǵa KS954 reısimen ushqaly turǵan 44 jastaǵy azamat terkeý kezinde jol júginde qarý men esirtki alyp bara jatqanyn jetkizgen.
Áýejaı qyzmetkerleri birden "qaýipti" jolaýshy turǵan aımaqty qorshaýǵa alyp, Memlekettik kúzet, Ulttyq qaipsizdik qyzmeti, terrorızmge qarsy ortalyqqa jedel habarlandy.
- Astana halyqaralyq áýejaıynyń avıasııalyq qaýipsizdik qyzmeti jolaýshynyń qol júgin tekserip, jolaýshyny jelilik polısııa bóliminiń qyzmetkerlerine tapsyrdy. Jolaýshy jelilik polısııa qyzmetkerlerine bergen túsiniktemesinde qol júginde qarý men esirtki baryn ázil retinde habarlaǵanyn jetkizgen, - delingen habarlamada.
QR Ulttyq qaýipsizdik qyzmetiniń nusqamasymen Astana halyqaralyq áýejaıynda dabyl alynyp tastaldy.
Kúdikti atalǵan oqıǵa boıynsha QR Qylmystyq Kodeksiniń 273-baby ("Daıyndalyp jatqan terrorızm aktisi boıynsha jalǵan aqparat taratý") boıynsha 5 000 AEK (17 mıllıon teńgeden astam) kóleminde aıyppul tóleıdi nemese 5 jylǵa bas bostandyǵynan aıyrylady.
