Foto: pixabay.com
«Qolaısyz aýa raıyna baılanysty Astana halyqaralyq áýejaıynyń áýeaılaǵy 30 jeltoqsan 09:00-12:00 aralyǵynda jabyq. Qazir elorda áýejaıyna qonatyn 27 áýe reısi keshiktirilip jatyr. Sondaı-aq áýejaıdaǵy ushý-qoný úshin qolaısyz aýa-raıy ornaýyna baılanysty áýekompanııalar reısterin keıinge qaldyrýǵa sheshim qabyldady», dep málimdedi áýejaıdyń baspasóz qyzmeti.
Aıta ketsek, buǵan deıin qolaısyz aýa raıy saldarynan elorda áýejaıynan ushyp shyǵatyn 12 reıs pen ushyp kelýge tıis 19 reıstiń ýaqyttary keıinge shegerilgen edi.
Al saǵat 10:00-degi jaǵdaı boıynsha 27 reıs áli de keshiktirilip jatyr.
Keshiktirilgen reıster kelesi reısterdiń keshigýine ákelýi múmkin. Osyǵan baılanysty jolaýshylar áýekompanııalardyń anyqtamalyq qyzmetterinde reıstiń mártebesi men ushý ýaqytyn aldyn ala naqty bilip alǵany jón.
Eger áýe kompanııanyń kinásinen reıs keshiktirilgen jaǵdaıda, jolaýshylarǵa QR-nyń zańnamasynda kózdelgen keshigý uzaqtyǵyna baılanysty qyzmetter (salqyn sýsyndar, ystyq tamaq, qonaqúıde ornalastyrý) usynylady.
