Suhbat alýshy Dıhan Qamzabekuly atalǵan memýarda jazylǵan tarıhı oqıǵalardyń tikeleı kýágeri retinde Prezıdentten áserin bólisýdi jáne óziniń memýar jazatyn oıy bar-joǵyn surady.
«Bul kitap táýelsiz memleket qurý isiniń jylnamasy retinde oqyrman qyzyǵýshylyǵyn týǵyzady dep oılaımyn. Kezinde bir aıtqysh «Memýarda shyndyqtyń jartysy aıtylsa da, ol tarıhı oqıǵalardyń aýqymyn baǵamdaýǵa jetkilikti» degen eken.
Nursultan Nazarbaev – birneshe dáýirge kýá bolǵan tarıhı tulǵa. Ol óz mansabyn komsomol belsendisi retinde Hrýshev zamanynda bastap, arada alpys jyldan astam ýaqyt ótkennen keıin qyzmetten ketti. Qazaqstannyń táýelsiz memleket bolyp qalyptasýyna qosqan úlesin bári biledi. Ol – ádil tarıhı baǵasyn alýǵa laıyq adam.
Men memýarlardy, pýblısıstıkalyq shyǵarmalardy, saıası ocherkterdi árdaıym yjdaǵatpen oqımyn. Al suraqqa kelsek, men úshin qazirgi kezeń memýar jazyp otyratyn ýaqyt emes», dep jaýap berdi Q.Toqaev.
