Túrkııa jurtshylyǵynyń nazaryna usynylǵan kórmede ultymyzdyń óneri men mádenıetine, rýhanı ómiri men tarıhyna aıryqsha úles qosyp, aqyl-parasatymen el esinde qalǵan aqyn, oıshyl Abaı Qunanbaıulynyń ájesi Zere, Domalaq ana, Aısha bıbi, Umaı ana, Hıýaz Dospanova, Álııa Moldaǵulova, Mánshúk Mámetova, Tomırıs, Aqqadyn, Qyz Jibek, Gaýhar, Kúıshi Dına syndy qazaq halqynyń tulǵalarynyń sýretteri qoıyldy.
Ystanbuldyń Úskidar aýdany ákimshiligi qoldaýymen ótkizilgen is-sharada kóptegen halyqaralyq kórme, festıval, sımpozıýmdardyń júldegerleri, sýretshiler Zerde Baqytbek, Aıtkúl Tasmaǵambetova, Ádilǵalı Baıandın, Qaırat Jáıirbekuly, Manas Qojaqulov, Nurbek Járdemov, Januzaq Músápirdiń eńbekteri usynyldy.
Kórmeniń ashylý saltanatynda sóz sóılegen Úskidar aýdany ákimdiginiń ókili Qazaqstannyń Ystanbuldaǵy Bas konsýldyǵy men basqa da uıymdastyrýshylarǵa alǵysyn bildirip, atalǵan is-sharanyń eki baýyrlas memleket arasyndaǵy mádenı-gýmanıtarlyq yntymaqtastyqtyń odan ári nyǵaıýyna mańyzdy úles qosatyndyǵyn atap ótti.
