Qoǵam • 04 Qańtar, 2024

Múgedektigi bar azamattarǵa tólenetin járdemaqy mólsheri ósti

403 ret

kórsetildi

2 mın

oqý úshin

2024 jyldyń 1 qańtarynan bastap, múgedektigi bar azamattarǵa beriletin áleýmettik járdemaqy kólemi ósti, dep jazady Egemen.kz.

Dana MYRZAQADIR

Múgedektigi bar azamattarǵa tólenetin járdemaqy mólsheri ósti

Foto: Ashyq derekkóz

Atalǵan járdemaqy kólemi eń tómengi kúnkóris deńgeıiniń ózgerýine qaraı artady. 2024 jyly eń tómengi kúnkóris deńgeıi 43 407 teńgege teńestirildi. Osyǵan baılanysty múgedektigi bar adamdarǵa bıýdjet esebinen aı saıyn tólenetin memlekettik áleýmettik járdemaqynyń mólsheri de kóbeıdi.

Bıylǵy eń tómengi kúnkóris deńgeıine qaraı artqan járdemaqy mólsheri mynadaı:

7 jasqa deıingi múgedektigi bar balaǵa – 1,61 eń tómengi kúnkóris deńgeıi = 69 885 teńge;

I toptaǵy 7 jastan 18 jasqa deıingi múgedektigi bar balaǵa – 2,20 eń tómen kúnkóris deńgeıi = 95 495 teńge;

II toptaǵy 7 jastan 18 jasqa deıingi múgedektigi bar balaǵa – 1,83 eń tómen kúnkóris deńgeıi = 79 435 teńge;

III toptaǵy 7 jastan 18 jasqa deıingi múgedektigi bar balaǵa – 1,61 eń tómen kúnkóris deńgeıi = 69 885 teńge tólenedi.

bala kezinen I toptaǵy múgedektigi bar adamdarǵa – 2,20 eń tómen kúnkóris deńgeıi = 95 495 teńge;

bala kezinen II toptaǵy múgedektigi bar adamdarǵa – 1,83 eń tómen kúnkóris deńgeıi = 79 435 teńge;

bala kezinen III toptaǵy múgedektigi bar adamdarǵa – 1,61 eń tómen kúnkóris deńgeıi = 69 885 teńge beriledi.

birinshi toptaǵy múgedektigi bar adamdarǵa – 2,20 eń tómen kúnkóris deńgeıi = 95 495 teńge;

ekinshi toptaǵy múgedektigi bar adamdarǵa – 1,76 eń tómen kúnkóris deńgeıi = 76 396 teńge;

úshinshi toptaǵy múgedektigi bar adamdarǵa – 1,20 eń tómen kúnkóris deńgeıi = 52 088 teńge.

Múgedektigi bar balany tárbıelep otyrǵan ata-anaǵa da memleket aı saıyn áleýmettik járdemaqymen qamtıdy. Olarǵa beriletin járdemaqy mólsheri sanatyna qaraı mynadaı:

Olarǵa 1,61 eń tómen kúnkóris deńgeıine teń 69 885 teńge járdemaqy tólenedi. Sondaı-aq I toptaǵy múgedektigi bar adamǵa tikeleı kútim jasaıtyn adamǵa, onymen týystyq baılanysyna qaramastan járdemaqy taǵaıyndalady. Onyń mólsheri 69 885 teńgeni quraıdy.