Balańyz bul baǵdarlamanyń qatysýshysy bolýy úshin:
1. Qazaqstan azamaty bolý kerek;
2. JSN bolýy mindetti;
3. 2024 jyldyń 1 qańtarynda jasy 18-ge tolmaǵan bolýy tıis.
Osy úsh talapqa sáıkes kelse balanyń esepshotyna ulttyq qordan aqsha aýdarylyp otyrady.
Eskeretini ata-ana balanyń atalǵan bazada bar-joǵyn tekserýi qajet.
Eger sizdiń egov.kz-tegi «jeke kabınetińizde» balańyzdyń málimetteri joq bolsa, ony qaıta qosý usynylady.
- Ol úshin kompıýter ne telefon arqyly egov.kz (eGov mobile) portalyna kiresiz. (Atalǵan qurylǵylarda egov.kz portaly joq bolsa jańadan engizesiz);
- Portal ashylǵannan keıin «Kirý» batyrmasyn basyp, portal suratqan málimetterdi jazasyz;
- Jeke kabınet ashylǵannan soń «Otbasy» bólimine ótesiz. Osy bólimde joldasyńyz ben balalaryńyzdyń jeke málimetteri shyqsa, demek, portaldaǵy bazada bala tirkelip turǵanyn ańǵartady.
Al egov.kz-tegi «Otbasy» bóliminde balalaryńyzdyń málimetteri shyqpasa, osy bólimnen «balalar» batyrmasyn basasyz.
Balalar bóliminiń tómengi jaǵynda «Balany qosý» fýnksııasy shyǵady. Sáıkesinshe osy jerde balanyń JSN nómirin engizý suralady. Balańyzdyń JSN nomerin tergennen keıin «Qosý» batyrmasyn basasyz. Osy áreketter aıaqtalǵannan keıin «Bala sátti qosyldy» habarlamasy ekranǵa shyǵady. Taǵy basqa balańyzdy tirkeý úshin dál osy fýnksııalardy qaıta oryndasańyz jetkilikti. Jańartý arqyly balańyzdyń bazaǵa tirkelgenine kóz jetkize alasyz.
«Ulttyq qor - balalarǵa» baǵdarlamasy aıasynda ár balaǵa jylyna 100-150 dollar shamasynda qarjy aýdarylady dep josparlanyp otyr.
