Jarysty ekinshi aınalymnan bastaǵan E.Rybakına alǵashqy oıynyn álemdik reıtıngte 124-orynda turǵan Olıvııa Gadekıge qarsy ótkizdi. Deńgeıdiń aty – deńgeı, bul kezdesý bizdiń tennısshige asa qıyndyq týǵyzbady. Birinshi sette azdaǵan basymdyqpen utsa, ekinshi sette tipten múmkindik bermedi deýge bolady: 6:4, 6:1. Bir saǵattan asa ýaqytqa sozylǵan básekede Elena 4 eıs jasap, 5 breık-poınttyń úsheýin paıdalandy.
Al otandasymyzdyń úshinshi aınalymdaǵy qarsylasy osal bolmady. Ol – álemniń 30-raketkasy, belgııalyq Elıza Mertens. Osyǵan deıin qarsylastar ózara tórt márte kezdesse, sonyń úsheýinde Elena jeńiske jetken edi. Bul joly birinshi partııada qos breık jasaǵan E.Rybakına aıqyn basymdyq tanytty – 6:1. Elena ekinshi setti de breıkpen bastady. Aqyry 6:0 match núktesin esebimen qoıdy. Bir saǵatqa jetpeıtin ýaqyt ishinde Elena 3 eıs jasap, 15 breık-poınttyń beseýin óz esebine jazdy.
Endi Elena dodanyń jartylaı fınalyna shyǵý úshin reseılikter, álemniń 16-raketkasy Veronıka Kýdermetova nemese reıtıngte 28-satydaǵy Anastasııa Potapovanyń bireýimen talasady.
