Saqtandyrý tólemderine kepildik berý qory Eýroprotokol júıesiniń qalaı jumys isteıtinin túsindirdi. Ol arqyly jol polısııasyn shaqyrmaı kishkene
- Eýroprotokol – jol polısııasyn shaqyrmaı JKO resimdeýdiń jáne saqtandyrý kompanııasynan ótemaqy alýdyń jyldam tásili. JKO týraly habarlama saqtandyrý kompanııasyna avtomatty túrde túsedi. Ol úshin apattyń eki qatysýshysy mobıldi qosymshany tegin júktep alýy kerek. Júıe arqyly jol-kólik oqıǵasynjol polısııasyn shaqyrmaı, saqtandyrý kompanııasyna barmaı,15 mınýtta rásimdeýge bolady. Osylaısha 6 kún ishinde tólem alýǵa bolady, – delingen aqparatta.
Eýroprotokoldyń mindetti sharttary da qarastyrylǵan. Ol úshin JKO qatysýshylarynyń mobıldi nómirleri mobıldi azamattar bazasynda tirkelgen bolýy kerek.
- 2024 jylǵa zardap shekken tarapty jóndeý somasy 369 myń teńgeden aspaýy kerek. Azamattardyń ómirine nemese densaýlyǵyna zııan kelmegen bolýy shart. JKO nátıjesinde tek kólik quraldary ǵana búlingen jaǵdaıda ǵana júıeni qoldana alady. Apatqa qatysýshylardyń ekeýinde de qoldanystaǵy mindetti avtosaqtandyrý polısteri bar júrgizýshiler qoldana alady, – delingen aqparatta.
Eger saqtandyrý polısi JKO qatysýshylarynyń kem degende bireýinde bolmasa, onda JKO resimdeý úshin jol polısııasy qyzmetkerlerin shaqyrý usynylady.
