Foto: ashyq derekkóz
Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵyna (budan ári – Abaı atyndaǵy memlekettik syılyq) úmitkerlerdi usyný tártibi «Qazaqstan Respýblıkasynyń ál-Farabı atyndaǵy ǵylym men tehnıka, A. Baıtursynov atyndaǵy gýmanıtarlyq ǵylymdar jáne Abaı atyndaǵy ádebıet pen óner salasyndaǵy memlekettik syılyqtary týraly» Qazaqstan Respýblıkasy Prezıdentiniń 2015 jylǵy 21 qańtardaǵy № 993 Jarlyǵymen rettelgen.
Abaı atyndaǵy memlekettik syılyq Qazaqstan Respýblıkasynyń azamattaryna jáne sheteldikterge Qazaqstan mádenıetiniń damýyna erekshe baǵaly úles dep tanylǵan ádebıet pen óner salasyndaǵy asa úzdik shyǵarmalary úshin beriledi.
Abaı atyndaǵy memlekettik syılyqqa usynylǵan ujymdaǵy úmitkerlerdiń sany 5 adamnan aspaýy tıis, izdenýshiler ujymyna jumysty oryndaý prosesinde tek ákimshilik jáne/nemese uıymdastyrý fýnksııalaryn júzege asyrǵan tulǵalardy qosýǵa jol berilmeıdi.
Jumys Abaı atyndaǵy memlekettik syılyqqa bir ret qana usynyla alady.
Bir avtor nemese avtorlar ujymy Abaı atyndaǵy memlekettik syılyqqa qatarynan eki ret usynyla almaıdy.
Buryn Qazaqstan Respýblıkasynyń syılyqtaryna ıe bolǵan jumystar Abaı atyndaǵy memlekettik syılyqty alý konkýrsyna jiberilmeıdi.
Abaı atyndaǵy memlekettik syılyqqa osy syılyqtyń laýreatyna jańa jetistigi úshin qaıtadan berilýi múmkin, biraq kórsetilgen syılyq aldyńǵy berilgeninen keıin bes jyldan erte bolmaıdy.
Tulǵa Abaı atyndaǵy memlekettik syılyqqa usynylǵannan keıin qaıtys bolǵan jaǵdaıda, laýreattyń dıplomy, tósbelgisi men aqshalaı syıaqysy Qazaqstan Respýblıkasynyń zańnamasynda belgilengen tártippen mura boıynsha beriledi.
Jumystardy Abaı atyndaǵy memlekettik syılyq alýǵa usynýdy memlekettik organdardyń alqalary, shyǵarmashylyq odaqtar men ujymdar júrgizedi.
Abaı atyndaǵy memlekettik syılyqqa jumystardy qabyldaý aıaqtalǵanǵa deıin bes jyldan aspaıtyn ýaqytta jáne keminde bir jyl buryn (2024 jyldyń 1 naýryzyna deıin) kópshilik aınalym úshin oryndalǵan bir avtordyń nemese avtorlar ujymynyń jumystary (bir jumys) usynyla alady.
Abaı atyndaǵy memlekettik syılyqqa О́TINIMDER men JUMYSTARDY (kitaptar, notalyq jazbalar, beıneleý óneri týyndylarynyń ónimderi, sáýlet óneriniń shema-syzbalary, ǵımarattardyń, keshenderdiń t.b. fotosýretteri, kınofılmder men spektaklderden beınetaspalar nemese fotokórinister, konserttik qoıylymdar men oryndaýshylyq ónerdiń beıne nemese aýdıo-taspalary) QABYLDAÝ 2024 jyldyń 1 naýryzyna deıin iske asyrylady.
Abaı atyndaǵy memlekettik syılyqqa úmitker avtorlar, olardyń konkýrsqa usynǵan eńbekteriniń tizimderi jáne úmitkerlerdi usynyp otyrǵan uıymdardyń attary ashyq jarııalylyq túrde keńinen talqylaný maqsatynda respýblıkalyq buqaralyq aqparat quraldarynda jarııalanady.
2024 jylǵy Abaı atyndaǵy memlekettik syılyqty berý jónindegi sheshim baspasóz betterinde jarııalanady.
Usynylǵan eńbekterdi tirkeý úshin myna qujattar qajet:
- Memlekettik organnyń nemese shyǵarmashylyq odaqtyń usynysy.
- Jınalys hattamasy.
- Shyǵarmashylyq minezdeme.
- Úmitkerdiń jeke is qaǵazy.
- 2 dana sýreti (3*4).
- Usynylǵan eńbektiń 50 danasy.
- Tulǵany rastaıtyn qujattyń kóshirmesi (jeke kýálik nemese tólqujat).
- Shyǵarmanyń avtory jáne shyǵarma jóninde qysqasha naqty málimet (memlekettik jáne resmı (orys) tilderinde).
- Sáýlet óneri týyndylary boıynsha ǵımarattardyń, keshenderdiń óndiriske engizilýin jáne avtorlyq quqyqty rastaıtyn qujattar qosa tirkelýi tıis.
6-shy pýnktke baılanysty túsinikteme.
Kitaptar, notalyq jazbalar, beıneleý óneri týyndylarynyń ónimderi, sáýlet óneriniń shema-syzbalary, ǵımarattardyń, keshenderdiń t.b. fotosýretteri, kınofılmder men spektaklderden beınetaspalar nemese fotokórinister, konserttik qoıylymdar men oryndaýshylyq ónerdiń beıne nemese aýdıo-taspalary 50 dana etip usynylady.
Abaı atyndaǵy memlekettik syılyqqa usynylatyn eńbekter jáne tıisti qujattar myna mekenjaıda qabyldanady:
010000, Astana qalasy, Máńgilik el dańǵyly, 8-úı, «Mınıstrlikter úıi» ǵımaraty, 14-kireberis, 527 kabınet, Qazaqstan Respýblıkasy Mádenıet jáne aqparat mınıstrligi, r.onaeva@mki.gov.kz, tel.: 8 (7172) 740519, Onaeva Rıga Talgatovna 87056317806
