2024 jyldyń 1 qańtarynan bastap kásipkerler elektrondy tólemnen bas tartyp jatyr. Kópshilik kásipkerlerdiń bul isine narazylyǵyn bildirip otyr.
Kez kelgen kásipker nesıe kartasy nemese QR arqyly tólem qabyldamaı qolma-qol satyp alýdy surasa, aldymen eskertý beriledi. Kelesi ret qaıtalansa 150 myń teńge shamasynda aıyppul salynady.
«Tólemder jáne tólem júıeleri týraly» zańnyń normalary bank kartasy, QR-tólem nemese qolma-qol aqshamen tóleý tásilderin kózdeıdi (25-bap). Kásipkerlerge tólem kartochkalaryn paıdalana otyryp tólemderdi qabyldaýdan bas tartqany úshin ákimshilik jaýapkershilik qarastyrylǵan: birinshi ret eskertý, tártipti qaıtalap buzǵan jaǵdaıda - 147 680 teńge (40 AEK*) mólsherinde aıyppul salynady», delingen Memlekettik kirister komıtetiniń málimetinde.
Aıta keteıik, osy jyldan bastap bankter bıznes-shotqa emes, jeke shotqa 3 aıda 100 mobıldi aýdarym túskenin anyqtasa, belgili bolǵan derekterdi salyq basqarmasyna usynady.
