Foto: áleýmettik jeliden
Qaıǵyly oqıǵa Batys Qazaqstan oblysyndaǵy Vetelkı aýylynda boldy.
Jergilikti polısııa basqarmasyna 5 qańtar kúni saǵat 23:41-de 17 jastaǵy qyz esin jımastan qaıtys bolǵany týraly habar túsken.
«Polısııa qyzmetkerleri qyz bala syrǵanaý maqsatynda eski kapotqa otyryp, kóliktiń artynda kele jatqanyn anyqtady. Syrǵanaý kezinde ol gaz tiregine qatty soǵylǵan. Soqqy saldarynan qyz esin jımastan kóz jumǵan. Qazirgi ýaqytta eki kólik anyqtalyp, Oral qalasynyń polısııa basqarmasyna jetkizildi. Oqıǵanyń mán-jaıy anyqtalyp jatyr», delingen PD habarlamasynda.
