Elordanyń qylmystyq ister jónindegi aýdanaralyq soty habarlaǵandaı, atalǵan azamat 2019 jyldyń 1 naýryzy men 2023 jyldyń 17 naýryzy aralyǵynda Astana qalasy men Aqmola oblysynyń aýmaǵynda «Qnet» halyqaralyq kompanııasy ónimderiniń ınternet saýdasynyń muqabasymen qarjy pıramıdasyn uıymdastyrdy. Ári qaraı, ol taýardy zańdy túrde satyp alý maqsatynda jábirlenýshilerge psıhologııalyq qysym kórsete otyryp, ekinshi deńgeıdegi bankterden, sonyń ishinde taýarlyq nesıeler alýǵa májbúrlep, olardyń aqshalaryn zańsyz tartqan.
«Shyndyǵynda, tólemder basqalardy tartý esebinen júrgizildi jáne tólemder mólsheri salynǵan qarajat somasynyń tek 10-15% ǵana qurady. Ári qaraı «QNET»-ke adamdardy turaqty tartýdyń bolmaýyna baılanysty tólemder túspegen. Osylaısha, tómende turǵan adamdar turaqty negizde tólemder almaǵan, nemese jańa tulǵalardy tartý arqyly azdap aqsha bergen. Al ol tipti bank mekemelerinde paıyzben alynǵan ınvestısııalanǵan jeke qarajatty da ótemegen. Onyń qyzmetiniń nátıjesinde 136 jábirlenýshige 145 mln teńgeden astam mólsherde múliktik zalal keltirildi», delingen baspasóz habarlamasynda.
Sot úkimimen Qnet qarjy pıramıdasynyń basshysy zańnyń 217-baby 3-bóliginiń 2-shi tarmaǵymen jáne 218-babynyń 1-bóligimen kózdelgen qylmystyq quqyq buzýshylyqtar jasaǵany úshin kináli dep tanylyp, múlki tárkilenip, azamattardyń aqshalaı qarajaty men ınvestısııalardy tartýǵa baılanysty qyzmetpen aınalysý quqyǵynan 5 jyl merzimge aıyryla otyryp, 6 jylǵa bas bostandyǵynan aıyryldy.
