Foto: ashyq derekkóz
Qazaqstanda qazan aıynda bastalyp, mamyr aıyna deıin sozylatyn JRVI-men syrqattanýdyń kezekti epıdemııalyq maýsymy júrip jatyr.
«Aǵymdaǵy epıdemııalyq maýsymda jiti respıratorlyq vırýstyq ınfeksııanyń 2,4 mıllıon jaǵdaıy tirkeldi. Qarasha aıynan bastap tumaý vırýsynyń aınalymy belgilendi. Epıdemııa bastalǵannan beri zerthanalyq rastalǵan tumaýdyń 935 jaǵdaıy tirkeldi, onyń 85%-y A tumaýy, 15%-y V tumaýy», dedi mınıstr Úkimet otyrysynda.
О́tken jyly qaýipti toptaǵy 2 mıllıon 400 myń adam tumaýǵa qarsy egildi, bul el halqynyń 12 paıyzyn quraıdy.
Osy tusta epıdemııa maýsymynyń basynan beri stasıonarlarda 31 myńnan astam naýqas emdelgenin aıta ketý kerek. El boıynsha barlyǵy 10 myńǵa jýyq juqpaly aýrý tósekteri ornalastyryldy, onyń ishinde úsh myńǵa jýyq balalar tósekteri de bar.
