Qaýip seıildi

Bul oraıda tıisti qol­daýlar kórsetildi. «Turan-Sý» mekemesi qajetti qural jabdyqtar men tehnıkalarmen tolyq qamtamasyz etildi. Mehanıkalyq tazalaý jumystaryn óndiristik kestege sáıkes aıaqtaý mindettelgen. Sý sharýashylyǵy júıelerin kútip ustaý, eldi mekenderdiń tynys-tirshiligin aǵyn sýmen qamtamasyz etý basty nazarda. Oblys ákimi Darhan Satybaldy ákimdik ap­paratynyń aptalyq otyrysynda sý tasqynynyń aldyn alý maqsatynda tıisti sharalar óz merziminde oryndalyp, oblys aýmaǵyndaǵy bógetterdi nyǵaıtý, aryqtar men kanaldar júıelerin tazalaý jumystaryn júrgizýdi tapsyrdy. Gıdrotehnıkalyq qu­rylystardyń jaǵdaıy jan-jaqty tekserýdi, jaýapty mekemelerge kórshi memleket­ten keletin sý mólsherin ba­qylaýda ustap, durys úıles­tirýdi júktedi. Bıyl sý tas­qynyna jol berilmeýi kerek­tigin aıtty. Al Túrkistan ob­­lysy tótenshe jaǵdaılar departamentiniń bastyǵy Asqar Tóleshev josparlanǵan 20 is-sharanyń 19-y tolyǵymen aıaq­talǵanyn jetkizdi. Al 1 is-sha­ra ıaǵnı, «Qaraspan» sý tora­byndaǵy jumystardyń 45 pa­ıyzy aıaqtalǵan. «Turan sý» mekemesimen jospardan tys qosymsha Keles, Aqsý ózeni bo­ıyn­da 1,3 shaqyrym arna ja­ǵalaýy rettelip, 748,8 qoı tas­tary jáne 416 dana gabıon torlarymen bekitilgen. Son­daı-aq departament bastyǵy atqarylǵan jumystardyń ná­tıjesinde Saryaǵash, Saıram, Keles, Ordabasy aýdandarynyń 20 eldi mekeninde sý tasqyny qaýpi seıilgenin málim etti. De­partamenttiń aýmaqtyq bó­lim­­shelerimen ótken jyldyń qa­rasha aıynda eldi mekenderdiń daıyndyǵy tekserilip, 7 aýdan, qalanyń 40 eldi mekenniń da­ıy­n emestigi týraly habar be­rilgen. Qazirgi tańda 29 eldi mekende kemshilikter joıyldy. Tasqynǵa qarsy 101 myń dana qap, 8 myń tonna janar-ja­ǵarmaı qory men 40 mln teńge kólemindegi azyq-túlikke memorandým jasalyp, 296 birlik ınjenerlik tehnıka ázirlengen. Sonymen qatar tótenshe jaǵ­daılar departamentiniń 175 jeke quramy men 144 quraly, «Turan sý» mekemesiniń 40 birlik ınjenerlik tehnıkasy daıyn. Qıyn jaǵdaıdaǵy «Qapshaǵaı», «Yrmaq-О́zen» «Maıdantal» sý qoımalary kúrdeli jáne aǵymdaǵy jóndeýden ótkizilgen. Al «Shardara» sý qoımasy men «Kóksaraı» sý rettegishinde tasqyn sýdy qabyldaýǵa shamamen 4 mlrd tekshe metr kóleminde bos qory bar.

«Turan-Sý» ShJQ MKK basshysy Doshan Lesovtiń aıtýyna qaraǵanda, 2023-2024 jyldardaǵy sý tasqynyna qar­sy ázirlengen ınjenerlik jos­par boıynsha aýdan, qala ákim­dikteriniń suranysy ne­gi­zinde tehnıkalar bólinip, 6 aýdan, qaladaǵy tasqyn sýdy ótkizetin 47,5 shaqyrym ózen arnalary men aryqtar tazartylǵan. Aýdandar men Arys qalasy ákimdikterimen birlesken is-shara túzilip, jos­parlanǵan 679,7 shaqyrym ka­naldardyń, búgingi tańda 659,9 shaqyrymyna tazalaý jumystary júrgizilgen. Qańtar aıynyń 20-na deıin jospar tolyq oryndalady. Ma­mandardyń málimdeýinshe, atqarylǵan jumystardyń ná­tıjesinde sharýalarǵa aǵyn sý­dy jetkizý múmkindigi artyp, sý shyǵyndary azaıyp, eldi meken­der jáne ınfraqurylymdyq nysandardy sý basý qaýpi jo­ıyl­dy. Mekeme basshysynyń málimetinshe, kásiporynda tó­tenshe jaǵdaıǵa qarsy 130 tonna dızel otyny, 420 tekshe metr qoı tasy, 3 300 dana qap, 200 dana gabıondyq tor, 20 tonna sement, 48 dana plıta bar. Oblys ákiminiń qoldaýymen kásiporynǵa oblystyq bıýdjetten 2 ekskavator, 3 býldozer jáne 2 tur­ǵynjaı vagony alynǵan. Sondaı-aq bólip tóleý negizinde «JCB» jáne «HITACHI» markaly 39 ekskavatormen qamtamasyz etilip, 14 ekskavator 8 aýdan, qala ákim­dikterine keıinnen satyp alý tártibimen jalǵa berilgen.

Túrkistan oblysy