Mekeme basshysy Indıra Ikapovanyń aıtýynsha, Oqýshylar saraıy negizgi úıirmelerden bólek, respýblıkalyq deńgeıdegi avtorlyq jobalardy qolǵa alǵan. Sonyń biri – «Jas talant» respýblıkalyq onlaın-konkýrsy. «Oqýshylar saraıynyń uıymdastyrýymen III respýblıkalyq «Jas talant» onlaın baıqaýy ótti. Konkýrs Q.A.Iаsaýı atyndaǵy HQTÝ, Halyqaralyq týrızm jáne meımandostyq ýnıversıteti, M.Áýezov atyndaǵy OQÝ-men jasalǵan memorandýmdar aıasynda bilim berý mekemeleriniń bitirýshi oqýshylary men bitirýshi kolledj stýdentteri arasynda ótti. Osy oraıda 80-ge jýyq ótinish kelip, úzdik dep tanylǵan 20 qatysýshyǵa oqý oryndarynyń granttary men túrli jeńildikter berildi. Sonymen qatar oblystaǵy kópbalaly, áleýmettik jaǵdaıy tómen, mamandyǵy joq áıelder úshin «Ismer ana» jobasy jumys istep tur. Jobaǵa qatysýshylar Oqýshylar saraıynyń tigin sheberhanasynda «Kıim modelin jobalaý» úıirmesinde tigin ónerin meńgeredi. Qazirgi tańǵa deıin 40-qa jýyq ana bilim aldy. Jobaǵa qatysqan J.Janbolatova 1 mln 200 myń, al G. Ýtepova shaǵyn jáne orta bıznesti damytý maqsatynda 3 mln teńge kóleminde «Atameken» Ulttyq kásipkerler palatasynyń grantyn jeńip alyp, óz kásipterin dóńgeletip otyr», deıdi Indıra Sarqytqyzy. Oqýshylar saraıy qyzmetkerleri elimizdiń basqa óńirlerinde de kópbalaly analar men kásipteri joq áıelderdiń áleýetin arttyrýǵa, quqyqtary men múmkindikterin keńeıtýge baǵyttalǵan osy jobanyń bastalýyna kómektesýdi maqsat etip otyr.
Sonymen qatar Oqýshylar saraıynda «Unisat» – bilim berý haby, «Qumyra» – qysh óneri jáne «Kade» jobasy qolǵa alynǵan. Mysaly, «Kade» jobasy aıasynda óńirde jasalatyn qumyra, qolóner buıymdaryn, shapandar men taqııalardy jáne basqa da ulttyq naqyshtaǵy zattardy satylymǵa shyǵaryp keledi. Odan bólek, ortalyqta kishkentaı balalarǵa arnalǵan ıntellektýaldyq «Danyshpan Education» damytý oıyndary bar.
TÚRKISTAN
