Foto: insider.com
2023 jyly 1 AEK - 3 450 teńge bolsa, bıyl bul kórsetkish - 3 692 teńge dep belgilendi.
Osyǵan baılanysty el azamattaryna beriletin birqatar járdemaqy men tólem kólemi artty. Bul qatarda dekrettik tólemder men bala 1,5 jasqa jetkenge deıin tólenetin memlekettik-áleýmettik járdemaqy da bar.
Júkti ana bosanǵan soń taǵaıyndalatyn járdemaqynyń eki túri bekitilgen. Alǵashqysy — súıinshipul. Tólemniń atalǵan túri bir ret qana beriledi. 2024 jyly 1 AEK 3 692 teńgege ósti. Soǵan saı, járdemaqy jıyny da artty. Atap aıtqanda, alǵashqy úsh balaǵa — 38 AEK (140 296 teńge), tórt baladan bastap — 63 AEK (232 596 teńge) kórsetkish kóleminde tólem jasalady.
Al ekinshi túri — ananyń tabysynan aıyrylýyna baılanysty 1,5 jyl boıy tólenetin járdemaqy. Onyń mólsheri jumys istep dekretke shyqqan jáne bul sanatqa jatpaıtyn ár áıelde ár túrli esepteledi. Jumys istemeıtin áıelderge memleket tarapynan beriletin járdemaqy turaqty bekitilgen.
- Birinshi balaǵa — 5,76 AEK (2024 jyly aı saıyn 21 265 teńge);
- Ekinshi balaǵa — 6,81 AEK (2024 jyly aı saıyn 25 142 teńge);
- Úshinshi balaǵa — 7,85 AEK (2024 jyly aı saıyn 28 982 teńge);
- Tórt baladan ári qaraı — 8,90 AEK (2024 jyly aı saıyn 32 858 teńge)
Jumys istep, dekretke shyqqan áıelderge taǵaıyndalatyn járdemaqynyń osy túri onyń keıingi eki jyldaǵy tabysyna qaraı esepteledi.
