Foto: Qorǵanys mınıstrligi
Oǵan Qorǵanys mınıstrliginiń, Bas shtabtyń, Ulttyq qorǵanys ýnıversıtetiniń, qurylymdyq bólimshelerdiń basshylary, Qarýly kúshter túrleriniń bas qolbasshylary, óńirlik qolbasshylyqtar áskerleriniń, ásker tekteriniń qolbasshylary jáne áskerı bólimderdiń komandırleri qatysty.
Mınıstr negizgi kúsh jaýyngerlik daıarlyqtyń sapasyna jáne áskerlerdiń jaýyngerlik ázirligin arttyrýǵa baǵyttalýy tıis dep atap ótti. Áskerı ujymdardaǵy moraldyq-psıhologııalyq ahýal, jedel-taktıkalyq jumys deńgeıin jáne basqarýshy organdardyń basqarý sheshimderiniń sapasyn arttyrý máseleleri de nazarda bolýǵa mindetti.
Qorǵanys vedomstvosynyń basshysy jeke quramnyń memlekettiń egemendigi men aýmaqtyq tutastyǵyn qorǵaý jónindegi jaýyngerlik mindetterdi oryndaýǵa daıyndyǵy osy faktorlarǵa baılanysty dedi.
– Bıyl el aýmaǵynda bes memlekettiń qatysýymen aýqymdy oqý-jattyǵýlar ótedi. Ol joǵary deńgeıde uıymdastyrylýy kerek. Jaýapkershilik aımaǵynda qaýipsizdikti qamtamasyz etý mindetin oryndaý maqsatynda baýyrlas halyqtar men qarýly kúshter arasyndaǵy dostyq qarym-qatynasty saqtaý biz úshin óte mańyzdy, – dedi general-polkovnık Rýslan Jaqsylyqov.
Keńeste Qarýly kúshterdiń jaýyngerlik daıarlyǵynyń negizgi mindetteri men uıymdastyrý-shtattyq is-sharalary týraly Qorǵanys mınıstriniń birinshi orynbasary – Qarýly kúshter Bas shtabynyń bastyǵy general-leıtenant Marat Qusaıynov baıandady.
Ol 2024 jylǵa 160-tan asa jedel jáne 70 myńnan astam jaýyngerlik daıarlyq jónindegi is-sharalar josparlanǵanyn aıtty. Bas shtab bastyǵy olardyń ishindegi eń mańyzdysy Áskerı-teńiz kúshteriniń, Áskerı-áýe kúshteriniń, «Batys» óńirlik qolbasshylyǵyndaǵy arnaıy operasııalar kúshteriniń, odan ózge Ázerbaıjan, Qyrǵyzstan, Tájikstan jáne О́zbekstan áskerı kontıngentteriniń qatysýymen ótetin «Birlestik» oqý-jattyǵýy ekenin atap ótti.
Budan basqa general-leıtenant Marat Qusaıynov bıyl general Saǵadat Nurmaǵambetovtyń júz jyldyǵyn merekeleý aıasynda Almatyda bokstan, sambodan halyqaralyq chempıonattar ótkiziletinin jáne alǵash ret qazaqsha kúresten TMD áskerı qyzmetshileriniń chempıonaty ótetinin habarlady.
– Qazaqstanda barlyǵy 33 jarys ótedi. Sonymen birge áskerı sportshylar 17 halyqaralyq jarysta da baǵyn synaıdy. Bıyl áskerı qyzmetshilerdiń 35 halyqaralyq taktıkalyq oqý-jattyǵýǵa qatysýy josparlanyp otyr, olardyń altaýy bizde ótedi, – dedi Qorǵanys mınıstriniń birinshi orynbasary.
Qarý-jaraq pen áskerı tehnıkany satyp alý, kúrdeli jóndeý jáne jańǵyrtý máselelerin Qorǵanys mınıstriniń qarý-jaraq jáne áskerı tehnıka jónindegi orynbasary general-maıor Baqytbek Sydyqov óz baıandamasynda atap ótti.
Qorǵanys mınıstriniń orynbasary general-leıtenant Sultan Kamaletdınov Qarýly kúshterdegi halyqaralyq yntymaqtastyqtyń, tárbıe jáne ıdeologııalyq jumystardyń basty sharalaryna nazar aýdardy.
Tyldyq qamtamasyz etý men áskerı ınfraqurylymdy damytýdyń negizgi sharalaryn QR Qarýly kúshteriniń Tyl bastyǵy polkovnık Arman Mansurov baıandady.
Keńes qorytyndysy boıynsha Qorǵanys mınıstri general-polkovnık Rýslan Jaqsylyqov qorǵanys vedomstvosynyń negizgi mindetterin aıqyndady. Komandalyq quramnyń kúsh-jigeri ortalyq memlekettik jáne jergilikti atqarýshy organdarmen tyǵyz ózara is-qımyldy uıymdastyrýǵa baǵyttalmaq. Otandyq qorǵanys-ónerkásip keshenin, ulttyq óndiristik jáne jóndeý bazasyn damytýǵa, jaýyngerlik daıarlyq sapasyn arttyrýǵa, armııany josparly qaıta jaraqtandyrýǵa, áskerı-oqytylǵan rezervtiń úlesin ulǵaıtýǵa jáne vedomstvoaralyq úılestirýdi jaqsartýǵa erekshe nazar aýdarylady.
