Foto: oqu_agartu
«Olımpıadanyń maqsaty — aýyldyq jerlerdegi mektep oqýshylarynyń daryny men qabiletterin anyqtaý jáne olarǵa qoldaý bildirý, neǵurlym akademııalyq qabiletti oqýshylardy tabý, olardyń zııatkerlik damýy men kásibı baǵdarlanýyna jaǵdaı jasaý. Erejege sáıkes olımpıada 13 pán boıynsha ótkiziledi jáne 3 kezeńnen turady. Birinshi (bastapqy) kezeńge elimizdiń ár óńirinen 78 404 oqýshy qatysty. Ekinshi (irikteý) kezeńinde 25 844 oqýshy baq synasty. Olardyń ishinen, 1088 jeńimpaz úshinshi (respýblıkalyq) kezeńge joldama aldy», dep atap ótti «Daryn» RǴPO Zııatkerlik is-sharalardy uıymdastyrý jáne halyqaralyq yntymaqtastyq bóliminiń basshysy Aıgerim Ernııazova.
Olımpıada qorytyndysy boıynsha qatysýshylardyń 45%-dan astamy júldeli bolmaq. Olar Oqý-aǵartý mınıstrliginiń I, II, III dárejeli dıplomdarymen marapattalady. Sondaı-aq barlyq qatysýshylarǵa sertıfıkattar men estelik syılyqtar beriledi. Sonymen qatar jeńimpazdarǵa elimizdiń birqatar joǵary oqý oryndarynyń rektorlyq granttary tabystalady. Aıta ketsek, III kezeńniń barlyq qatysýshylary «Daryn» respýblıkalyq syrttaı mektebine qabyldanatyn bolady. Sonymen qatar I dárejeli dıplom ıegerleri 2024 jylǵy jalpy bilim beretin pánder boıynsha respýblıkalyq olımpıadanyń qorytyndy kezeńine qatysady.
