О́tken jyldyń qorytyndysy boıynsha negizgi kapıtalǵa salynǵan ınvestısııa kólemi 26 paıyzǵa artyp, 724,3 mıllıard teńgeni quraǵan. Byltyr 1 mıllıard 51 mıllıon teńgeniń ónerkásiptik ónimi óndirilgen. Qurylys salasy aıtarlyqtaı jandanyp, 1 mıllıon sharshy metrden astam turǵyn úı paıdalanýǵa berilgen.
Qala ákiminiń aıtýynsha, óńirde ónerkásip salasyn damytý úshin jalpy aýmaǵy 867 gektar bolatyn 5 óndiristik aımaqqa ınfraqurylym tartý jumystary qolǵa alynyp, ınvestısııalyq jobalardyń pýly jasaqtalǵan.
Shaharda qazirgi ýaqytta 128 myńnan astam shaǵyn jáne orta bıznes sýbektisi jumys isteıdi. Bul 2022 jylmen salystyrǵanda 16,4 paıyzǵa kóp. Kásipkerlikti damytý úshin 3498 jobaǵa jalpy somasy 19,8 mıllıard teńge kóleminde qoldaý kórsetilgen.
Sonymen qatar Prezıdentke Shymkent shaharynyń ınfraqurylymyn jańǵyrtý jumystarynyń barysy jóninde baıandaldy. Atap aıtqanda, qalada jańa áýejaı termınalynyń qurylysy jáne temirjol vokzalyn rekonstrýksııalaý jumystary júrgizilip jatyr. Budan bólek, Shymkentte «Izetti zeınetker» saýyqtyrý ortalyǵy, Kongress holl, Ústel tennısi kesheni jáne jańa ıppodrom sııaqty nysandar boı kótergen. Byltyr úsh mektepke qosymsha ǵımarat, Oqýshylar saraıy jáne Balalarǵa arnalǵan shyǵarmashylyq ortalyq paıdalanýǵa berilgen. «Jaıly mektep» ulttyq jobasy aıasynda 28 myń oqýshyǵa arnalǵan 18 bilim berý mekemesiniń qurylysy bastalǵan.
Sonymen qatar Memleket basshysyna jol-kólik ınfraqurylymyn damytý barysy baıandaldy. Qala ákimi 233 shaqyrym jolǵa jóndeý jumystary júrgizilip, úlken jolaıyryq paıdalanýǵa berilgenin aıtty. Sondaı-aq qoǵamdyq qaýipsizdikti qamtamasyz etý maqsatynda bıyl qala kóshelerine 3000 beınebaqylaý kamerasyn ornatý, 1000-ǵa jýyq kósheni jaryqtandyrý josparlanyp otyr. Sońǵy jyldary osyndaı júıeli sharalardyń nátıjesinde qylmys sany 33 paıyzǵa azaıǵan.
Budan bólek, Prezıdentke memleket menshigine qaıtarylǵan nysandar týraly málimet berildi. Atap aıtqanda, jyldar boıy qaraýsyz qalǵan burynǵy Fosforshylar saraıy qala balansyna qaıtaryldy. Ortalyqtaǵy «Spýtnık» gúlzary memleket menshigine ótip, demeýshiler esebinen qaıta abattandyryldy.
Kezdesý sońynda Qasym-Jomart Toqaev Ǵabıt Syzdyqbekovke qala ekonomıkasyn odan ári ártaraptandyrý, qosymsha ınvestısııa tartý, sondaı-aq shaǵyn jáne orta bıznesti qoldaý sharalaryn kúsheıtý jóninde naqty tapsyrmalar berdi.
