Foto: polisia.kz
«Júrgizýshiler men jolaýshylardyń qaýipsizdigin qamtamasyz etý maqsatynda balaǵat sózder, qoqys, mas kúıinde jol júrý jáne temeki shegý syndy qoǵamdyq kólikterdegi quqyq buzýshylyqtardyń aldyn alýǵa basa nazar aýdaryldy. Operasııanyń bes kúninde polıseıler 1,2 myńnan astam ákimshilik quqyq buzýshylyqty anyqtady, onyń ishinde bótenniń múlkine qasaqana zaqym keltirý – 2, alkogoldi ishimdikterdi ishý nemese qoǵamdyq oryndarǵa mas kúıinde kelý – 325, belgilenbegen oryndarda temeki shegý – 90, onyń ishinde avtobýs júrgizýshileri – 27, usaq buzaqylyq – 51, qoǵamdyq oryndardy lastaý – 359, avtobýstarda jáne aıaldamalarda tıisý – 431. Mysaly, Shýchınsk jáne Taraz qalalarynda adamdardyń eskertýlerin elemegen mas jolaýshylar ustaldy. Er adamdar eki jaǵdaıda da marshrýttyq avtobýstarda shý shyǵarǵan. Olardyń árqaısysyna qatysty qoǵamdyq oryndarda mas kúıinde júrgeni úshin ákimshilik hattama toltyryldy. Sondaı-aq Pavlodar oblysynda tártip saqshylary avtobýs terezesinen qoqys tastaǵan jolaýshyny jaýapqa tartty. Quqyq buzýshyǵa qatysty jalpy paıdalanymdaǵy oryndardy lastaǵany úshin ákimshilik hattama jasaldy. Polısııa qyzmetkerleri reıd barysynda qoǵamdyq kóliktiń jumysyna myńǵa jýyq jasyryn tekserý júrgizdi, sonyń nátıjesinde 337 buzýshylyq anyqtaldy. Operasııa barysynda ishki ister organdarynyń 4,6 myńnan astam qyzmetkeri jumyldyryldy», delingen aqparatta.
Respýblıkalyq aldyn alý is-sharasyna jergilikti atqarýshy organ ókilderi men turǵyndar da qatysyp, qol ushyn sozdy.
