«Barmysyń, baýyrym» habarynyń redaksııasy Jánibektiń isin zertteý barysynda 2000 - 2004 jyldar aralyǵynda Arqalyqtan 80 búldirshin shet el asqanyn anyqtady. Bul qatarda Jánibek esimi berilgen Eddı Jan da bar.
Buǵan deıin birneshe boljaldy ana men bir Baýyrjan esimdi azamat onyń ata-anasy bolýym múmkin dep DNQ saraptamasyn tapsyrǵan bolatyn. О́kinishke qaraı, Jánibekpen birge kóptiń kóp kútken úmiti aqtalmaı keledi.
Al búgin Nurılá esimdi boljaldy ana analız tapsyrdy.
«Balań shetinep ketti dep» denesin de perzenthanadan bermegen týǵan balany túsik dep tirkegen. Taǵy bir ana búgin analız tapsyrdy», dep jazdy Qymbat Dosjan jelidegi paraqshasyna.
Jánibekti jaqynymen qaýyshtyrýdy kózdep júrgen jýrnalıster istiń bara-bara tereńdep jatqanyn tilge tıek etip, tipti, qylmystyq is qozǵalǵanyn málimdedi.
