Foto: Almaty oblysy ákimdigi
«Memleket basshysy aldymyzǵa qoıǵan mindetterdi sizdermen birlese otyryp, júzege asyramyz dep senemin. Qazirgi ýaqytta elimizde sybaılas jemqorlyqqa qarsy kúreske erekshe kóńil bólinip jatyr, bul memlekettik saıasattyń negizgi baǵyttarynyń biri. Osy jumysta barlyǵymyzǵa sáttilik tileımin», dedi oblys ákim.
Bolat Jarmaqov 1986 jyly Qaraǵandy qalasynda dúnıege kelgen.
2007 jyly Qarjy polısııasy akademııasyn támamdaǵan.
2003–2007 jyldary – Qarjy polısııasy akademııasynyń tyńdaýshysy boldy.
2007–2014 jyldary – Astana qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti (qarjy polısııasy), 2014–2021 jyldary – Astana qalasy, Aqmola, Pavlodar, Túrkistan oblystary boıynsha sybaılas jemqorlyqqa qarsy qyzmet departamentterinde basshylyq laýazymdardy atqardy.
2021-2022 jyldary – Sybaılas jemqorlyqqa qarsy is-qımyl agenttiginiń anyqtaý jáne jolyn kesý qyzmeti basshysynyń orynbasary boldy.
2022-2023 jyldary – Sybaılas jemqorlyqqa qarsy is-qımyl agenttiginiń anyqtaý jáne jolyn kesý qyzmetiniń basshysy qyzmetin atqardy.
2023 jyldyń 15 jeltoqsannan bastap qazirgi ýaqytqa deıin – Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń ýaqytsha mindetin atqarýshysy boldy.
