Foto: gov.kz
«Eńbekke qabilettilikten aıyrylǵan jaǵdaıda tólenetin áleýmettik tólem bıýdjet qarajaty esebinen múgedektigi boıynsha memlekettik áleýmettik járdemaqyǵa qosymsha taǵaıyndalady. MÁSQ-ten tólem medısınalyq-áleýmettik saraptamada belgilengen 30%-dan 100%-ǵa deıingi dárejede jáne eńbek qyzmetin jalǵastyrýyna qaramastan jalpy eńbekke qabilettiligin joǵaltý kezeńinde júzege asyrylady.
2023 jyly atalǵan tólemdi 38,7 mlrd teńge somasyna 100 myńnan astam adam aldy, bul 2022 jylmen salystyrǵanda 27%-ǵa kóp. Belgilengen tólemniń aı saıynǵy ortasha mólsheri 47 445 teńgeni qurady.
Asyraýshysynan aıyrylǵan jaǵdaıda tólenetin áleýmettik tólem mindetti áleýmettik saqtandyrý júıesine qatysýshynyń asyraýynda bolǵan adamdarǵa bıýdjet qarajaty esebinen tólenetin asyraýshysynan aıyrylýy boıynsha memlekettik áleýmettik járdemaqysyna qosymsha taǵaıyndalady. MÁSQ-ten tólem asyraýyndaǵy adamdar 18 jasqa tolǵanǵa deıin, al kúndizgi oqý nysanynda oqyǵan jaǵdaıda 23 jasqa deıin tólenedi.
О́tken jyly atalǵan tólem asyraýshysynan aıyrylǵan 64,3 myń otbasyǵa 26,8 mlrd teńge somasynda berildi, bul 2022 jylǵy somamen salystyrǵanda 26%-ǵa artyq. Belgilengen tólemniń aı saıynǵy ortasha mólsheri 51 574 teńgeni qurady.
Jumysynan aıyrylǵan jaǵdaıda tólenetin áleýmettik tólem áleýmettik saqtandyrý júıesine qatysýshyǵa onyń jumystan shyǵarylý sebebine qaramastan taǵaıyndalady. Negizgi shart – jumyssyz retinde tirkelý. Tólem júıege qatysý ótiline baılanysty 1 aıdan 6 aıǵa deıin júzege asyrylady. Tólem mólsheri 2023 jylǵy 1 qańtarda 40%-dan 45%-ǵa deıin ulǵaıtylǵan jumyssyz retinde tirkelý aldyndaǵy sońǵy 2 jyl ishinde MÁSQ-ǵa áleýmettik aýdarymdar júrgizilgen ortasha aılyq tabysqa, júıege qatysý ótiline jáne tabysty almastyrý koeffısıentine baılanysty bolatyny» jazylǵan aqparatta.
Byltyr 49,9 mlrd teńge tólenip, 224,1 myń adam alǵan, 2022 jylmen salystyrǵanda alýshylardyń qatary 2 ese artqan.
