Foto: El.kz
Prezıdenttiń sózinshe, munyń, ásirese, turmystyq zorlyq-zombylyqqa qarsy kúreste mańyzy óte zor.
«О́zderińizge málim, buǵan deıin mundaı qylmystar úshin jaýapkershilikti kúsheıtýdi qoldaıtynymdy aıtqan edim. Qylmystyq kodekske engizilgen tıisti túzetýler jaqyn arada qabyldanady. Ishki ister mınıstrligi óz qyzmetkerlerin jańa jumys tásiline kóshýge aldyn ala daıyndaýy kerek. Quqyq qoldaný tájirıbesindegi buǵan deıin bolǵan barlyq máseleni eskerý qajet. Budan bólek, kámeletke tolmaǵan azamattardyń quqyǵyn qorǵaý júıesin jańǵyrtý – óte ózekti másele. Úkimet azamattyq qoǵam ınstıtýttary men sarapshylardy tarta otyryp, bul jumysqa muqııat qaraýy kerek», dedi Memleket basshysy.
Qasym-Jomart Toqaevtyń aıtýynsha, polısııanyń servıstik modeliniń negizgi qaǵıdattaryn is júzinde júzege asyrý qajet. Bul, eń aldymen, qoǵamnyń talap-tilegine qulaq asyp, shuǵyl áreket ete bilý degen sóz.
«Halyqqa yntymaqtastyqtyń ózara tıimdi formasyn usynyp, keri baılanystyń ońtaıly joldaryn retteý mańyzdy. Bastamashyl jáne zańǵa qaıshy áreketterge beı-jaı qaramaıtyn azamattarǵa arqa súıeý quqyq buzýshylyqtarǵa múldem tózbeýshilik qaǵıdatynyń is júzinde saqtalýyna múmkindik beretinine senimdimin», dedi Memleket basshysy.
