Foto: Qorǵanys mınıstrligi
«Endi áskerı qyzmetshiler qarakól jaǵaly qysqy kýrtkanyń ornyna «Alıaska» tıpti kýrtkalar kıedi. Joǵary ofıserlik quramnan ózge áskerı qyzmetshilerdiń bas kıimderi kúnqaǵarsyz bolady. Maýsymdyq kúndelikti plash kamýflıaj tústi dalalyq kúrteshege, al kúndelikti svıter dalalyq svıterge aýystyryldy. Áskerı qyzmetshi áıelder úshin pılotkanyń ornyna kepı qarastyrylǵan. Joǵary ofıserlik quramnan, Qorǵanys mınıstrligi men Bas shtabtyń qurylymdyq bólimsheleriniń, Qarýly kúshter Bas basqarmalarynyń bastyqtarynan, bas qolbasshylardan, qolbasshylardan jáne olardyń orynbasarlarynan ózge áskerı qyzmetshilerdiń barlyq sanattary úshin kıtel, shalbar, jeıdeler, galstýktar alynyp tastaldy», delingen mınıstrlik habarlamasynda.
Qazirgi ofıstik kıim úlgisi tek basqarý organdary, joǵary oqý oryndarynyń turaqty quramy, áskerı bólim komandırleri, olardyń orynbasarlary jáne áskerı qatynastar komendatýralary úshin kúndelikti forma bolady.
Qara tústi qonyshy uzyn báteńkemen qatar turaqty quramdy qum tústi jazǵy báteńkemen qamtamasyz etý qarastyrylǵan. Bul nusqa elimizdiń geografııalyq erekshelikterine, sondaı-aq ystyq ótkizbeıtin jáne materıaldyq qasıetterine baılanysty tańdalǵan.
Jańa úlgidegi dalalyq kıim-keshekke kóshý 2024 jyldyń tórtinshi toqsanyna, qalǵan úlgidegi jańa dızaındaǵy áskerı formaǵa aýysý aldaǵy úsh jyl kólemine josparlanǵan.
Buǵan deıin el áskeriniń jańa úlgidegi formasy qoǵamdyq talqylaýǵa usynylǵanyn habarlaǵan bolatynbyz.
