Birinshi taımda «Aqjaıyq» sapynan Maksım Pahomov pen Nurbol Bókeshov qarsylas qaqpasyna qos dop salyp, esepti 4:1-ge jetkizdi. Qazandyq klýbtan Egor Jýkov jalǵyz golmen jaýap qatty.
Ekinshi kezeńde Nıkolaı Shavaldınniń shákirtteri qarqyndy tipti kúsheıte tústi. M.Pahomov taǵy eki goldy enshisine jazsa, komanda kapıtany Maksım О́tebalıev te qaqpany dál kózdep, bir goldyń avtory atandy. Taǵy bir reseılik Artem Lapshın qarsylas qaqpasyna eki dop engizdi. Match sońynda qazandyqtardan Danııl Pımıahın bir golmen jaýap qatty. Osylaısha, 9:2 esebimen qarsylasyn tas-talqan etip jeńgen «Aqjaıyq» upaı sanyn 30-ǵa jetkizip, ekinshi topta jeke-dara kósh bastady.
Batysqazaqstandyq klýb kelesi oınyn 26-27 qańtarda Ýlıanovsk qalasynda «Volga-Cheremshanmen» ótkizedi. Osylaısha, «Aqjaıyq» qatarynan altynshy jeńisine qol jetkizip otyr.
