О́tken jyly Energetıka mınıstrligi Básekelestikti qorǵaý jáne damytý agenttigimen, Ulttyq ekonomıka mınıstrligimen jáne «QazTransGaz Aımaq» aksıonerlik qoǵamymen birlesip gaz jelilerine qosylý kezindegi kedergilerdi joıý jóninde jumystar júrgizgeni bar.
Qazirgi tańda eldiń ekonomıkasy men halyqtyń áleýmettik ál-aýqatyn jaqsartýda sheshimin taýyp kele jatqan basty róldegi kógildir otyn máselesine tikeleı qatysty «QazTransGaz Aımaq» aksıonerlik qoǵamy barlyq tutynýshylaryn tabıǵı gazben turaqty ári úzdiksiz qamtamasyz etý baǵytynda senimdi seriktes ekendigin ataýǵa bolady.
Búginderi respýblıka boıynsha 11 mıllıon 700 myń turǵyn tabıǵı gazǵa qol jetkizgen. Abonentteriniń jalpy sany 2 mıllıon 361 myńnan asyp otyr. Gazdy ótkizý kólemi 16,3 mlrd m3 deıin ulǵaıyp, taratý tasymalynyń kólemi 12,6 mlrd m3 quraıdy. Kompanııadaǵy eń basymdy baǵyttarynyń biri de eńbek qaýipsizdigi men óz qyzmetkerleriniń densaýlyǵyna zııan kelmeýin qadaǵalaıdy. Bul baǵytta kompanııa fılıaldarynda qaýipsiz óndiris tıimdiligin arttyrý maqsatynda jumyskerlerdi «Eńbek qaýipsizdigi jáne eńbekti qorǵaý, ónerkásiptik qaýipsizdik, órt-tehnıkalyq mınımým» jáne «Elektr qaýipsizdigi» baǵyttary boıynsha oqytý turaqty túrde júrgizilip, zardap shekken jandarǵa alǵashqy kómek kórsetý jattyǵýlary ótkiziledi. Sonymen qatar halyqty aqparattandyrýda «112» biryńǵaı dıspetcherlik qyzmetinen azamattardyń uıaly telefondaryna turmystyq gazdy tutyný kezinde qaýipsizdik erejelerin saqtaý týraly apta saıynǵy SMS-habarlama jiberý jolǵa qoıylǵan. О́tken jyly gaz tutynýshylarynyń jalpy sany aıtarlyqtaı ósip, 95 myńnan asa jańa abonent qosylǵan. Onyń ishinde 92 myńǵa taıaý turǵyn úı, 4 myńǵa jýyq kommýnaldyq-turmystyq kásiporyn, 250-ge tarta ónerkásiptik jáne otyn-energetıkalyq keshen bar. О́ńirlerdi gazdandyrý boıynsha gaz taratý júıeleri de jyl saıyn uzaryp, elimizdiń 14 óńirinde gazben jabdyqtaý júıesine júzdiń ústinde eldi meken qosylǵan. 60 myńǵa jýyq abonent nemese 200 myńnan astam adam gazǵa qosylý múmkindigine ıe boldy. О́tken jyly Astana qalasynyń ózinen 2 myńnyń ústinde abonent qosylǵan.
«Elordada gazdandyrylǵan abonentterdiń jalpy sany 10 myńnan asady. Búgingi tańda qurylystyń birinshi jáne ekinshi kezeńi boıynsha Astana qalasyn gazdandyrý jobalary aıaqtaldy. Sondaı-aq tabıǵı gazǵa úsh jylý-energetıkalyq ortalyǵy (JEO-1, JEO-2, JEO-3), «Ońtústik-Shyǵys» jáne «Turan» gaz-jylytý stansalary qosyldy. Tutynýshylardy jeke gaz taratý uıymdarynan qaıtarýda Memleket basshysynyń «sońǵy kılometr» jónindegi tapsyrmasyn oryndaý sheńberinde, jylyna shamamen taýarlyq gazdy tutynýdyń jalpy kólemi 1 mlrd. m³ quraıtyn jeke gaz taratý kompanııalarynan «QazTransGaz Aımaq» AQ-na sapaly qyzmet kórsetýdi qajet etken 97 iri tutynýshy (onyń ishinde «Aqtóbe-JEO» AQ) men 2 eldi meken (Túrkistan oblysyndaǵy Mádenı jáne Sarqyrama aýyldary) aýysty. Iri strategııalyq nysandarǵa gaz jetkizýde deldaldyq qurylymdardy alyp tastaý jumysy bıyl da jalǵasady», deıdi «QazTransGaz Aımaq» AQ Bas dırektory Baýyrjan Asqarov.
2023 jyly «QazTransGaz Aımaq» kompanııasy kóp jyldan beri qordalanǵan taǵy bir máselege qozǵaý saldy. Bes jyldan astam ýaqyt boıy jergilikti atqarýshy bılik salǵan gaz tasymaldaý jáne gaz taratý júıelerin gaz kompanııasyna berý jumystary júrgizilmegen. Sapasyz salynǵan gaz jáne daıyn gaz qubyrlaryn ótkizip beretin mekemeler arasynda kommýnıkasııalyq baılanystyn joqtyǵynan bolǵan.Alaıda, ótken jyldyń qazan aıynan bastap atalǵan kásiporyn jergilikti atqarýshy bılik salyp jatqan 500-ge tarta nysanǵa tolyqtaı tehnıkalyq baqylaý júrgizip, jumystyń sapaly oryndalýyna qoldaý kórsetti. Sonyń nátıjesinde bıylǵy jyldyń qańtar aıynan bastap bul nysandar Memlekettik múlik jáne jekeshelendirý komıtetinen «Samuryq-Qazyna» Qoryna berilip, odan keıin «QazaGaz» UK» AQ arqyly enshiles uıymdar sanalatyn «Intergaz Ortalyq Azııaǵa» –16 jáne «QazTransGaz Aımaǵyna» – 465 nysan jiberildi.
Bas dırektordyń aıtýynsha, ótken jyly josparlanǵan ınvestısııalyq jobalardyń arasynda Qostanaı oblysynyń Tobyl kentinde gaz taratý jelileri boıynsha 50 shaqyrymdyq gaz qubyry salynyp, paıdalanýǵa berilgen. Investısııalyq baǵdarlamalardan tys ótken jyldyń sáýir aıynda Memleket basshysynyń tapsyrmasymen «QazTransGaz Aımaq» AQ «Quryq» avtomattandyrylǵan gaz taratý stansasynan «Sarsha» jeri arqyly «Jyly jaǵajaı» kýrorttyq aımaǵyna deıin jalpy uzyndyǵy 60,1 shaqyrymdy quraıtyn joǵary qysymdy gaz qubyryn salý jobasyn sátti aıaqtaǵan. О́ndiristik jobalardan basqa, búgingi kúni «QazTransGaz Aımaq» AQ óz jumys prosesterine jáne qyzmetterine qajetti sıfrlyq sheshimderdi belsendi júrgizýde. Turǵyn úıdi ne nysandardy gazdandyrý úshin aldymen Tehnıkalyq sharttardy alý kerek. Byltyr qazan aıynan bastap tehnıkalyq sharttardy alýǵa ótinimderdi qabyldaý qyzmeti Egov.kz elektrondyq úkimet portalyna shyǵaryldy. Sondaı-aq turǵyn úıdi gazdandyrý jumystaryn atqaratyn lısenzııalanǵan kompanııalardy izdeýge arnalǵan «Marketplace» portaly iske qosylǵan. О́tken jyly 7 óndiristik fılıalda abonentterdiń ornalasý orny men gaz taratý jelileri sıfrlandyryldy. Tólemderdi óńdeý servısin iske qosý arqyly «QazTransGaz Aımaq» AQ tóleý kezinde alynatyn tólem komıssııasyn 0,7%-dan 0,3%-ǵa deıin tómendetken. Sıfrlandyrý prosesterin odan ári jetildirýde kompanııa halyqaralyq tájirıbeni engizý joldaryn da qarastyryp jatqan jaıy bar.
Memleket basshysy Qasym-Jomart Toqaevtyń Italııaǵa resmı sapary aıasynda QazaqGaz jáne Pietro Fiorentini kompanııalarynyń arasyndaǵy yntymaqtastyq týraly kelisimge qol qoıyldy. Italıandyq kompanııa tabıǵı gaz kólemin retteýge jáne esepke alýǵa arnalǵan komponentterdi, júıelerdi ázirleýde, óndirýde jáne satýda jetekshi kompanııa bolyp tabylady.
Qujatqa ıtalıandyq kompanııa tarapynan Pietro Fiorentini bas atqarýshy dırektory Paolo Nardı, al Qazaqstan tarapynan «QazTransGaz Aımaq» AQ Basqarma tóraǵasy Baýyrjan Asqarov qol qoıdy.
Kelisimniń negizgi tarmaqtary gaz taratý salasynda ınnovasııalyq sheshimderdi ázirleý jáne engizý maqsatynda ózara damýdy jáne birlesken jobalardy iske asyrýdy kózdeıdi. Kelisimde aqparat pen tájirıbe almasý, tehnologııany berý joldaryn qarastyrý jaǵy da jazylǵan. Birge atqaratyn jobalar qatarynda derekterdi berý fýnksııasy bar gaz eseptegishterin ornatý jobasy da kórsetilgen. Sonymen qatar qyzmetkerlerdiń zamanaýı gaz jabdyqtarynda jumys isteýi úshin biliktilikterin arttyrýda birlese oqytýdy uıymdastyrý josparlanyp otyr.
Atalǵan kelisim – qazirgi zamanǵy gaz ınfraqurylymyn damytýda Qazaqstan men Italııanyń áriptestik qatynastarynyń mańyzdylyǵyn aıqyndaıtyn qadam bolmaqshy. «QazTransGaz Aımaq» AQ salalyq zańdy jetildirýge atsalysyp, ótken jyly tabıǵı monopolııalar boıynsha qoldanystaǵy zańnamaǵa ózgeris engizdi. Buryn berilgen tehnıkalyq sharttar merzimsiz sanalsa, endigi jerde ýaqyty 3 jyldy quraıdy.
Kompanııa adamı kapıtaldy damytý isine aıryqsha kóńil bólip, qyzmetkerlerine jan-jaqty qoldaý kórsetýge múmkindik beretin joǵary standarttar belgilegen. Kadrlyq áleýetti qalyptastyrýda kompanııanyń eki qyzmetkeri irikteýden ótip, Prezıdenttik jastar kadrlyq rezervine kirdi. Bul qadam tańdalǵan qyzmetkerlerdiń quzyrettiligi men kóshbasshylyq qasıetteriniń joǵary deńgeıin ǵana emes, perspektıvti kadr daıarlaýǵa qosqan úlesi deýge bolady.
Osylaısha, kompanııa qyzmette qajettilikti muqııat qadaǵalap qana qoımaı, kóshbasshylyqtyń jańa býynyn damytýǵa belsendi túrde ınvestısııa quıyp otyrǵan jaıy bar.
