Foto: akorda.kz
Prezıdentke 2025 jyldyń sońyna qaraı 5G jelisin jedel engizý jónindegi tapsyrmasynyń oryndalý barysy týraly da baıandaldy.
Qýanyshbek Esekeevtiń aıtýynsha, 7 myńnan astam bazalyq stansııa salý jospary ázirlengen. «Qazaqtelekom» – TMD keńistiginde 5G tehnologııasyn iske qosqan alǵashqy jáne jalǵyz kompanııa.
Budan bólek, Memleket basshysyna qyzmet sapasyn jaqsartý jumystary jóninde málimet berildi. Bıyl kompanııanyń 63 myń abonentiniń eskirgen mys jelisin zamanaýı optıkalyq jelige aýystyrý josparlanǵan. Sondaı-aq 50 myń tutynýshy modeminiń tehnologııalyq jabdyqtary jańartylady.
Sonymen qatar Prezıdentke Qazaqstan men Ázerbaıjan arasynda Kaspıı teńiziniń tabany arqyly Transkaspıı talshyqty-optıkalyq baılanys jelisin salý jobasynyń iske asyrylý barysy tanystyryldy. Bul joba Qazaqstannyń asa mańyzdy óńirlik telekommýnıkasııalyq habqa aınalýyna, el aýmaǵynan ótetin halyqaralyq trafık tranzıtin ulǵaıtýǵa múmkindik beredi.
Kezdesý barysynda Qasym-Jomart Toqaev ekonomıkalyq jáne áleýmettik salalardy sıfrlandyrý óte mańyzdy ekenin atap ótti. Sebebi qazir jańa telekommýnıkasııalyq tehnologııalardyń múmkindikteri eldiń halyqaralyq arenadaǵy básekege qabilettilik deńgeıin aıqyndaıdy.
Memleket basshysy Qazaqstan azamattaryn zamanaýı telekommýnıkasııa qyzmetterimen qamtamasyz etý qajettigine de nazar aýdaryp, kompanııanyń barlyq ınvestısııalyq jobasyn ýaqytyly iske asyrýdy tapsyrdy.
