Foto: qazaqconcert.kz
«Aldar kóse» mıýzıklynyń premerasyn 2022 jyldyń jeltoqsan aıynda «Astana Musical» memlekettik teatry usynǵan edi.
Qoıylymnyń sıýjetinde qazaq halqynyń jarqyn, qyzyqty jáne taǵylymdy kórinisi baıandalady. Sondaı-aq mıýzıkl halyq batyrynyń máńgilik beınesin jasaýǵa, myqty tulǵa retinde qalyptastyrýǵa, adamgershilik-rýhanı qundylyqtardy, danalyq pen tapqyrlyqty dáripteýge baǵyttalǵan. Basty keıipker kedeılerdi zulymdyq pen sarań baılardan qorǵap júredi. Ári shapshań, ári júırik Aldar kóse únemi qıyn jaǵdaılardan shyǵyp ketýge tyrysady. Bul joly oqıǵa keıipkerine úlken jaýapkershilik júkteledi, óıtkeni halyqty Taǵaı hannyń ádiletsiz bıliginen aman alyp qalýy tikeleı ózine baılanysty. Ol barlyq qıyndyqty jeńe ala ma, ótkir aqyly men eptiligine bul joly qanshalyqty senim artatyny baıandalmaq.
Mıýzıkldyń qoıýshy-rejıssery – «Astana Musical» memlekettik teatrynyń kórkemdik jetekshisi Eslám Nurtazın, qoıylymnyń avtorlary – Efrat Sharıpov, Shyńǵys Maman, Eslám Nurtazın, Ánnás Baǵdat, kompozıtor – Erbol Narımanuly, Aqjol О́mirzaqov.
