foto: primeminister.kz
Qazaqstan qoǵamyn odan ári demokratııalandyrý, elde júrgizilip jatqan reformalar týraly halyqtyń habardar bolýyn arttyrý, atqarýshy organdardyń halyq aldyndaǵy jaýapkershiligi men eseptiligin kúsheıtý, halyqty memlekettik basqarý prosesine keńinen tartý maqsatynda Úkimet qaýly qabyldady.
Ortalyq atqarýshy organdar (Qazaqstan Respýblıkasynyń Qorǵanys, Syrtqy ister, Tótenshe jaǵdaılar, Ishki ister, Ádilet mınıstrlikterin qospaǵanda):
- Jergilikti atqarýshy organdarmen kelisý boıynsha birinshi basshylar úshin toqsanyna bir retten kem bolmaıtyn kezeńdilikpen jyl boıy halyqpen turaqty kezdesý ótkizip tursyn;
- Halyqpen kezdesý ótkizý úshin óńirdi tańdaǵan kezde salalyq problemalar men jergilikti jerlerde kóteriletin máselelerdi eskersin;
- Áleýmettik shıelenis qaýpi boljansa ne týyndasa, birinshi basshylardyń osy óńirdiń turǵyndarymen mindetti túrde grafıkten tys kezdesýler ótkizýin qamtamasyz etsin;
- Toqsan saıyn, esepti kezeńnen keıingi aıdyń 10-shy kúninen keshiktirmeı, aqparatqa qol jetkizý salasyndaǵy ýákiletti organǵa ótkizilgen kezdesýler boıynsha jalpylanǵan aqparat jiberip tursyn.
Astana, Almaty, Shymkent qalalary men oblystardyń ákimdikteri kezdesýler ótkizýdi uıymdastyrýda ortalyq atqarýshy organdarǵa uıymdastyrýshylyq, aqparattyq jáne tehnıkalyq qoldaý kórsetsin.
Aqparatqa qol jetkizý salasyndaǵy ýákiletti organ:
- Jarty jylda bir ret, 15 jeltoqsan men 15 maýsymǵa deıin ortalyq atqarýshy organdarmen kelisý boıynsha halyqpen kezdesýlerdiń aldaǵy jartyjyldyqqa arnalǵan grafıginiń jobasyn bekitý úshin Qazaqstan Respýblıkasynyń Úkimetine engizýdi;
- Halyqpen kezdesýler ótkizý tártibin bekitýdi jáne ortalyq atqarýshy organdardyń nazaryna jetkizýdi;
- Jarty jylda bir ret, 15 maýsym men 15 jeltoqsanǵa deıin ortalyq atqarýshy organdar basshylarynyń kezdesý ótkizýiniń qorytyndylary týraly aqparatty Qazaqstan Respýblıkasy Úkimetiniń Apparatyna engizýdi qamtamasyz etsin.
