Foto: sport-pulse.kz
Jartylaı jeńil salmaqta kúsh synasyp júrgen bul sportshylardyń ekeýi de myqty. 27 jastaǵy Rýslan Sarıev osy kúnge deıin 18 ret oktagonǵa shyǵyp, sonyń ekeýinde ǵana utyldy. Bes básekede aıqyn basymdyq tanytty. Jasy 30-ǵa taıap qalǵan Vanderleı da Sılva Fereıra 22 kezdesýdiń 15-in óz paıdasyna sheshti. Segiz qarsylasyn nokaýtpen utty. Sońǵy ret ol byltyr kúzde Máskeýde úıymdastyrylǵan týrnırde bizdiń Sábıt Júsipovten ońbaı taıaq jegen edi. Sol sebepti de jergilikti jankúıerler qandasymyzdyń jeńiske jetetinine senimdi boldy.
Biraq brazılııalyq faıter jaýapty jekpe-jekke tyńǵylyqty daıarlanyp kelipti. Bes raýndqa eseptelgen aıqas merziminen buryn aıaqtaldy. Bul básekede Fereıranyń baǵy janyp, Alash Pride promoýsheniniń altyn belbeýin óz eline áketti.
