Áıelder arasyndaǵy týrnırde top jarǵan belarýs Arına Sobolenko óziniń burynǵy ekinshi ornyn saqtap qaldy. Kósh basynda – áli de Iga Shventek. Polsha tennısshisi Melbýrnde úshinshi aınalymnan asa almaǵan edi. Osyǵan deıin úzdik úshtiktiń qatarynda júrgen Qazaqstannyń birinshi raketkasy Elena Rybakına jasyl qurlyqtaǵy sátsizdikten keıin besinshi satyǵa syrǵyp tústi. AQSh-tyń qos juldyzy – Korı Gaýff pen Djessıka Pegýla onyń aldyn orady. Sondaı-aq Ons Jaber (Týnıs), Chjen Sınven (Qytaı), Marketa Vondroýshova (Chehııa), Marııa Sakkarı (Grekııa) jáne Karolına Mýhova (Chehııa) TOP-10 oıynshynyń qataryna enip otyr.
Jańartylǵan reıtıngte Qazaqstannyń ózge burymdylary mynadaı satylarǵa jaıǵasty: Iýlııa Pýtınseva – 70, Jibek Qulambaeva – 490, Gozal Aınıtdınova – 745, Arýjan Saǵandyqova – 793 jáne Anna Danılına – 909-orynda.
