foto: ria.ru
QMA Astana qalasy boıynsha departamenti qala prokýratýrasynyń úılestirýimen aksızdeletin taýarlardy iri kólemde, atap aıtqanda elektrondyq temeki shegý qurylǵylaryna (veıp) arnalǵan suıyqtyqtardy óndirýmen, saqtaýmen jáne ótkizýmen aınalysqan adamnyń zańsyz is-áreketiniń jolyn kesti.
«Kúdikti ruqsat berý qujattarynsyz quramynda nıkotıny bar suıyqtyqty qoldan óndiretin seh uıymdastyrǵany anyqtaldy. Daıyn ónimdi kóterme jáne bólshek saýda túrinde elorda men respýblıkanyń basqa qalalarynyń veıpshoptaryna satqan», dep jazylǵan habarlamada.
Satylǵan nıkotın bar suıyqtyqtyń (veıp) quny 18 mln teńgeden asqan.
Jedel-tergeý is-sharalary barysynda 5000-ǵa jýyq elektrondy temeki shegý qurylǵylaryna arnalǵan suıyqtyq qutysy (veıp), hosh ıistendirgishter, kólemi 235 lıtr glıserın jáne propılenglıkol hımııalyq zattar, sondaı-aq olardy óndirýge arnalǵan stanoktar tárkilendi.
Sotqa deıingi tergeý bastaldy.
QR QPK-niń 201-babynyń talaptaryna sáıkes sotqa deıingi tergep-tekserýdiń ózge de derekteri tergeý múddesinde jarııa etilýge jatpaıdy.
