Foto: azattyq-ruhy.kz
Mamandardyń boljamyna qaraǵanda, aqpan aıynda eldiń basym bóliginde aýanyń ortasha temperatýrasy normadan 1-2° gradýs joǵary, Shyǵys Qazaqstan oblysynda, Almaty jáne Jetisý oblystarynyń ońtústik-shyǵys jartysynda, Túrkistan, Jambyl jáne Abaı oblystarynyń taýly jáne taý bókterindegi aımaqtarynda normaǵa jaqyn bolady.
Aqpan aıynda Qazaqstannyń basym bóliginde jaýyn-shashyn mólsheri klımat normasyna jýyq bolady dep boljanyp otyr. Tek Atyraýda, Qostanaıdyń soltústik jartysynda, eldiń ońtústigi men ońtústik-shyǵysyndaǵy taýly jáne taý bókterindegi aımaqtarda ǵana boljandy. Eldiń soltústik jartysynda qar, ońtústik-batysynda jáne ońtústik jartysynda jańbyr jaýyp, burqasyn bolýy yqtımal.
Boljamǵa sáıkes, eldiń soltústik jartysynda tuman túsip, kóktaıǵaq bolady. Jel kúsheıedi, burqasyn bolady.
Dálirek aıtqanda, aqpan aıynyń birinshi onkúndiginde qar jaýyp, burqasyn bolady.
«Aqpan aıynyń basynda respýblıkanyń ońtústik oblystarynyń taýly aımaqtarynda keı jerlerde qalyń qar jaýady. Turaqsyz aýa raıy tumanmen jáne jeldiń 15-28 m/s kúsheıýimen birge júredi. Aqpannyń birinshi onkúndiginde batysta, onkúndiktiń ortasynda Qazaqstannyń basym bóliginde aýa temperatýrasy kúndiz oń mánge deıin kóteriledi dep boljanyp otyr. Soltústik jartysynda –3+2°S-qa deıin, ońtústik jartysynda – +5+15°S-qa deıin», delingen habarlamada.
