Básekeni «Barys» jap-jaqsy bastady. 17-mınýtta Arkadıı Shestakov shaıbany nysanaǵa dóp túsirgende, jergilikti jankúıerler bir jelpinip qaldy. Biraq bul qýanysh uzaqqa sozylmady. Úzilisten keıin astanalyqtar eski ádetterine basty. Olar óte sylbyr qımyldap, jıi qatelikke uryndy. Aıdyn ıeleriniń olqylyǵyn qonaqtar sátti paıdalandy. Úzilisten keıin aınaldyrǵan tórt mınýt aralyǵynda Mıhaıl Gýlıaev pen Nıkolaı Prohorkın «Avangardty» alǵa shyǵardy. Al básekeniń aıaqtalýyna sanaýly sekýndtar qalǵanda Sergeı Boıkov matchtyń sońǵy núktesin qoıdy. Esep – 1:3.
Sóıtip, qatarynan altynshy ret utylǵan «Barys» jarys kestesindegi jaǵdaıyn odan ári qıyndatty. Olardyń enshisinde 44 upaı ǵana bar. Bul kúnderi jerlesterimiz QHL-daǵy 23 komandanyń arasynda 21-orynda tur.
