Kórmege 300-den astam otandyq jáne halyqaralyq IT-kompanııalardyń, sondaı-aq GovTech, AgroTech, Industry 4.0, ESG, Smart City jáne t.b. sıfrlandyrý salalaryndaǵy memlekettik organdardyń jobalary usynyldy.
Úkimet basshylaryna Qaztech platformasy usynyldy – ol Qazaqstannyń memlekettik aqparattyq júıelerindegi biryńǵaı standarttardy saqtaýdy qamtamasyz etedi jáne kásipkerlik qyzmetti «nólden bastap» retteýdiń sıfrlyq negizi», dep atap ótti úkimettiń baspasóz qyzmeti.
Sondaı-aq forýmnyń jekelegen qatysýshylaryna Almaty qalasynyń sıfrlyq qyzmetteri men Indýstrııa 4.0 jobalaryn taý-ken-metallýrgııa kesheninde, ónerkásip pen energetıkada, onyń ishinde memlekettik qoldaý quraldary arqyly iske asyrý nátıjeleri kórsetildi.
Úkimet basshylaryna bólek Minerals.gov.kz jer qoınaýyn paıdalanýshylarǵa arnalǵan biryńǵaı platforma usynyldy. Ol paıdaly qazbalardy barlaý men óndirýge lısenzııa alý prosesin jeńildetedi jáne jedeldetedi.
«Bul platformada áleýetti ınvestorlar ınfraqurylymnan bastap aýmaqty geologııalyq barlaý týraly esepterge deıin suralǵan aýmaqtyń tolyq beınesin ala alady», dep atap ótti úkimettiń baspasóz qyzmeti. Munda ESQ kilti arqyly sáıkes ótinimdi jiberýge bolady.
Qazaqstandaǵy izdeýdi damytý boıynsha Iаndeks kompanııasynyń dırektory Aleksandr Popovskıı úkimet basshylaryna Qazaqstanda halyq pen bızneske arnalǵan 10-nan astam qyzmet jumys isteıtinin aıtty.
2023 jyly kompanııa tómendegi jobalardy júzege asyrdy.
Qazaq tilindegi «Karta»,
Mobıldi braýzerde jáne qosymshada qazaq tilinde «Alısa» qyzmeti,
Iаndeks braýzerinde beınelerdi qazaq tiline aýdarý,
qazaqsha izdeýde jyldam jaýaptar.
