Foto: newizv.ru
Bul rette eksport 40,8%-ǵa, ımport 37,5%-ǵa ósti.
Ol EAEO-nyń basym mindetterine salalyq kooperasııany nyǵaıtý, jańa iskerlik baılanystar qurý, sıfrlyq qyzmetterdiń transshekaralyq saýdasyn jolǵa qoıý jáne derekter almasýdy qamtý kerek ekenin atap ótti.
«EAEO-nyń biryńǵaı sıfrlyq keńistigin damytý úshin ınstıtýsıonaldyq orta qazirdiń ózinde bar. Bizdiń oıymyzsha, múshe memleketter arasyndaǵy aqparat almasýdyń ortaq prosesteriniń durys jumys isteýin qamtamasyz etý, sondaı-aq ıntegrasııalanǵan aqparattyq júıeni kezeń-kezeńmen kóshirýge nazar aýdarýymyz kerek..EAEO sıfrlyq platformadaǵy ózara is-qımyldyń neǵurlym zamanaýı jáne tıimdi úlgisine ótý bólek qarastyrýdy jáne egjeı-tegjeıli zertteýdi qajet etedi», dedi Nıkol Pashınıan.
Armenııa Premer-mınıstri aqparatpen ýaqtyly jáne úzilissiz almasý EAEO aıasynda taýarlar men qyzmetterdiń qozǵalysy kezinde týyndaıtyn máselelerdi sheshýge jáne eń az degende, ishki naryqtaǵy ákimshilik kedergiler men shekteýlerdiń basym bóligin azaıtýǵa múmkindik beretinin atap ótti.
Onyń aıtýynsha, gaz, munaı jáne munaı ónimderiniń ortaq naryqtarynyń jumys isteýin bastaý josparlansa da, búgingi kúni múshe memleketterdiń energetıkalyq resýrstardyń ortaq naryǵyn qurý jáne damytý perspektıvalaryna biryńǵaı kózqarasy joq.
«EAEO-ǵa múshe memleketterdiń barlyǵy úshin ortaq energetıkalyq naryqty qurý ekonomıkalardyń turaqty damýyna, halyqtyń ál-aýqatyn arttyrýǵa yqpal etetin birqatar negizgi artyqshylyqtardy beretinine senimdimin. Osyny eskere otyryp, bizdiń dıalogymyz ymyraǵa kelý kelisimderin tabýǵa baǵyttalýy kerek dep sanaımyz», dep túıindedi sózin Nıkol Pashınıan.
