Foto: Vıdeodan skrın. Pavlodar oblysy TJD
Asty bos keńistik bolýy múmkin shuńqyr mańynda jumysty jalǵastyrý qutqarýshylardyń ómirine aıtarlyqtaı qaýip tóndiredi. Saqtaný maqsatynda aımaqtaǵy TJD oıyqqa qulaǵan avtobýs pen áli tabylmaǵan eki adamdy izdestirýdi toqtatty.
«Ekskvator qazyp jatqan jerde tereń shuńqyr paıda boldy. Shuńqyrdyń túbinde bos keńistikter bary baıqalady. Ekskavator men mamandar shuǵyl túrde joǵary kóterildi. Oıyq túbindegi topyraqtardyń tómen opyrylyp túsip ketý qaýpi týyndaǵandyqtan, jumystar ýaqytsha toqtady», dep jazylǵan Pavlodar oblystyq Tótenshe jaǵdaılar departamentiniń habarlamasynda.
Mamandar shuńqyrdyń ishin barlaý úshin endokamera túsirilip, zertteý bastalǵanyn málim etti .
