Qazaq-rýmyn bıznes-forýmyna qatysty

Baltyq jaǵalaýynda bolǵan is-sharalarǵa Qa­zaqstan tarapynan vıse-mınıstr Talǵat Lastaev, temirjol jáne sý kóligi komıtetiniń tóraǵasy Ol­jas Saparbekov, KTZ Express AQ, «Aqtaý teńiz saý­da porty» UK, «Transkaspıı halyqaralyq kó­lik marshrýtynyń» halyqaralyq qaýymdastyǵy, Semurg Invest, Dar Rail jáne PTC Holding JShS basshy­lyǵynyń ókilderi qatysty.

Forýmda sóz sóılegen mınıstr M.Qarabaev Qa­zaqstan kólik salasyn damytýǵa, Azııadan Eýropaǵa barar jolda tranzıttik tasymaldardyń jyldamdyǵy men sapasyn arttyrýǵa barlyq jaǵdaıdy jasap jatqanyn atap ótti. Sondaı-aq ol bıznes ókilderiniń kezdesýi Qazaqstan men Rýmynııa arasyndaǵy avtotasymaldar salasyna jańa serpin beredi degen senimin bildirdi.

Bul kúni otandyq delegasııa Rýmynııa Kólik jáne ınfraqurylym mınıstriniń orynbasary Adrıan Fogıshtiń súıemeldeýimen Konstansa qalasyndaǵy Rýmynııadaǵy iri porttyń qyzmetimen tanysty. Teńiz-ózen portynyń 156 aılaǵy jáne eki jalpyeýropalyq kólik dáliziniń qıylysynda qolaıly geografııalyq orny bar. Porttyń janynda Mıdııa jáne Mangalııa syndy eki spýtnıktik port ornalasqan. Atalǵan porttyń qýaty jylyna 100 mln tonna júkti quraıdy.

Konstansa portynyń múmkindikteri men artyq­shylyqtary Transkaspıı halyqaralyq kólik marshrý­tynyń áleýetin ashýda, sondaı-aq tranzıttik júk aǵyn­darynyń kólemin ózara ulǵaıtý jáne mýltımodaldy tasymaldar men logıstıkalyq úderister salasyndaǵy ozyq tájirıbemen almasý úshin Qazaqstan men Rýmy­nııa arasyndaǵy yntymaqtastyqty odan ári nyǵaıtýda mańyzdy ról atqara alady.