Foto: sk.kz
«Memleket basshysynyń Jarlyǵymen Almasadam Maıdanuly Sátqalıev Qazaqstan Respýblıkasynyń Energetıka mınıstri laýazymyna taǵaıyndaldy», delingen Aqorda habarlamasynda.
Almasadam Sátqalıev 1970 jyly Almaty qalasynda dúnıege kelgen.
Ál-Farabı atyndaǵy Qazaq memlekettik ulttyq ýnıversıtetin, Nazarbaev Ýnıversıtetiniń Joǵary bıznes mektebin, Stenford ýnıversıtetiniń Joǵary bıznes mektebin bitirgen.
Eńbek jolyn 1992 jyly jeke sektorda bastaǵan.
1997-2001 jyldary «QazTransOıl» ulttyq kompanııasynyń menedjeri, departament bastyǵy, basqarýshy dırektory, vıse-prezıdenti bolyp jumys istedi.
2001-2006 jyldary «KEGOC» AQ qarjy dırektory, vıse-prezıdenti, birinshi vıse-prezıdenti boldy.
2006-2007 jyldary «KEGOC» AQ boıynsha top jetekshisi, «Samuryq» AQ elektro-energetıkalyq aktıvterdi basqarý jónindegi dırektory bolyp jumys istedi.
2007 jyly Qazaqstan Respýblıkasy energetıka jáne mıneraldyq resýrstar mınıstriniń orynbasary laýazymyna taǵaıyndaldy.
2007-2011 jyldary «KEGOC» elektr jelilerin basqarý jónindegi qazaqstandyq kompanııa» AQ tuńǵysh vıse-prezıdenti, prezıdenti, basqarma tóraǵasy, prezıdenti boldy.
2011-2012 jyldary «Samuryq-Qazyna» AQ basqarýshy dırektory qyzmetin atqardy.
2012-2018 jyldary – «Samuryq-Energo» AQ basqarma tóraǵasy.
2018-2021 jyldary «KazEnergy» ZTB tóraǵasynyń orynbasary, «Samuryq-Qazyna» AQ aktıvterdi basqarý boıynsha basqarýshy dırektory qyzmetterin atqardy.
2021 jylǵy naýryzdan 2023 jylǵy sáýirge deıin – «Samuryq-Energo» UÁQ» AQ basqarma tóraǵasy.
2023 jyldyń 4 sáýirinde Qazaqstan Respýblıkasynyń energetıka mınıstri laýazymyna taǵaıyndaldy.
