Áleýmettiń áleýetin arttyratyn joba áleýmettik tólem jasaýdy jeńildetedi. Sıfrlyq tólem quraly Ulttyq banktiń jedel tólem júıesimen iske asady. Otandyq «BTS Digital» IT-kompanııasy ázirlegen ámııan «eGov» mobıldi qosymshasyna biriktirildi. Onda barlyq áleýmettik tólemdi alýǵa, qarajatty kartalarǵa aýdarýǵa, sondaı-aq tegin dári-dármek pen mektepte túski as alýǵa múmkindik bar. Áleýmettik ámııan jobasynyń qanatqaqty qadamy ótken jyldyń qarasha aıynda sıfrlyq álemge aıaq basqan. Sodan beri birqatar saýda jáne qyzmet kórsetý nysany jobaǵa qosylyp, ony is júzinde synap kórdi.
– Halyq memlekettik tólem alýshylarmen birge áleýmettik ámııandarǵa eseptelgen áleýmettik járdemaqy esebinen azyq-túlik pen sharýashylyq taýarlaryn, dárihanadan tegin dári-dármek satyp alyp júr. О́z baqylaýymyzdan ótti. Joba – qaýipsiz ári yńǵaıly. Mysaly, derekterdi jańartý úshin mekemelerge, dári nusqaýlyǵyn alý úshin árdaıym dárigerlerge barýdyń qajeti joq. Tek telefonda jańartý jumystaryn jasaý jetkilikti, – deıdi «Qazaqtelekomnyń» strategııalyq basqarý jónindegi bas dırektory Batyr Mahanbetajıev.
Rasynda da, qyzmet múmkindiginshe qarapaıym ári qoldanýǵa yńǵaıly. «eGov-mobile» qosymshasynyń kómegimen kassada kórsetilgen «QR» kodyn skanerleý jetkilikti. Eshqandaı komıssııa men qosymsha tólemder de joq. Áleýmettik ámııandy qoldanyp júrgen Galına Vysochanskaıa «Men qosymshany úsh aıdan beri paıdalanamyn. Ámııan – óte yńǵaıly. О́ıtkeni únemi bir jerge barýdyń, qolma-qol aqsha alýdyń qajeti joq. Bárin telefonmen-aq jasaımyn», dep tájirıbesimen bólisti.
Áleýmettik ámııannyń taǵy bir artyqshylyǵy – oqýshyǵa qajet qyzmet kórsetý túrin anyqtaýǵa múmkindik beredi. Iаǵnı ata-analar balanyń tamaǵy men qajettelikteri úshin mektepke baryp júrmeıdi. Eger balaǵa ystyq tamaq qajet bolsa, olar memleketten tıisti «SMS» alady. Qyzmetti alýǵa kelisim beretinderin jaýap habarlamasymen jiberse jetkilikti, qosymsha qujattar kerek emes. Bul sonymen qatar mektep qyzmetkerlerine túsetin júktemeni de azaıtady.
Aqkól qalasy P.Isakov atyndaǵy №1 mekteptiń dırektory Ásel Sadyqova «Qanatqaqty jobaǵa bizdiń mekteptiń qatysqanyna qýanyshtymyz. Qaǵazbastylyqtan qutylý jáne ýaqytty únemdeý arqyly jumysty jeńildetti. Ata-analar da balalarynyń qalaı tamaqtanatynyn kórip, ýaıymsyz júr», dedi.
Qazir áleýmettik ámııanda memlekettik qoldaýdyń kóptegen túri bar. Bolashaqta jeńildetilgen baǵamen ónimderdi satyp alý, ınvataksı qyzmetteri, erekshe qajettilikteri bar adamdarǵa ońaltý quraldaryn satyp alý syndy múmkindikterdi qosý josparlanyp otyr.
