Foto: inbusiness.kz
Qasym-Jomart Toqaev ekonomıkalyq ahýalǵa qatysty ózekti máselelerge toqtaldy. Sonyń ishinde ınvestısııa tartý máselesi mańyzdy ekenin málimdedi.
«Jańa ınvestısııalyq kezeńdi bastaý kerek. О́ndirý salasyndaǵy jobalardan túsken paıda qaıtadan ınvestısııa retinde ekonomıkaǵa salynyp jatyr. Tikeleı shetel ınvestısııasy, negizinen, osy qarajattyń esebinen qamtamasyz etilip otyr. Negizgi kapıtalǵa salynǵan ınvestısııanyń ishki jalpy ónimge shaqqandaǵy úlesi azaıyp barady. Bul kúrdeli jaǵdaı deýge bolady. Sebebi, ekonomıkaǵa jetkilikti qarajat salynbaı jatyr. Sonyń saldarynan, aldaǵy jyldary eldiń damý qarqynyn saqtap turýdyń ózi qıyn bolýy múmkin», dedi Prezıdent.
Memleket basshysy osy baǵyttaǵy jumystardy jandandyryp, der kezinde sheshim qabyldaý Investısııalyq shtabtyń negizgi mindeti ekenin eske saldy.
«Ishki jáne syrtqy ınvestısııany aıtarlyqtaı kóbeıtý kerek. Bul – jańadan qurylǵan Investısııalyq shtabtyń negizgi mindeti. Shtab elge ınvestısııa tartýǵa qajetti birtutas ekojúıe qalyptastyrýy kerek. Damý ınstıtýttarynyń jumysyn jandandyryp, bıznes ókilderimen tıimdi dıalog júrgizýge tıis. Sheteldegi mekemelerdiń, ortalyq pen aımaqtardyń arasynda tyǵyz baılanys ornatý qajet. Eń bastysy, Investısııalyq shtab qajetti sheshimdi der kezinde qabyldaýy kerek», dedi Qasym-Jomart Toqaev.
Prezıdent Qazaqstanǵa ınvestısııa quıýǵa yntaly kásipkerlerdiń jumysyn ońtaılandyryp, «bir tereze» qaǵıdasyn júzege asyrýdyń mańyzdylyǵyn aıtty.
«Investorlarǵa, mysaly, 50 mıllıon dollardan kóp qarjy salýǵa daıyn iri kompanııalarǵa «bir tereze» qaǵıdasymen jan-jaqty qoldaý kórsetken jón. Sonymen qatar, jobalardyń iske asyrylýyn qadaǵalaıtyn tıimdi monıtorıng júıesin iske qosý kerek. Memlekettik organdar paıdasy joq prezentasııalar men is-sharalar ótkizýmen áýestenbeýge tıis. Mekeme basshylarynyń shetelge jasaǵan árbir issapary naqty nátıje berýge tıis. Sapar qorytyndysy boıynsha Úkimet basshylyǵyna, nemese, qajet bolǵan jaǵdaıda Prezıdentke esep berilýi kerek», dedi Q.Toqaev Úkimettiń keńeıtilgen otyrysynda.
Memleket basshysy aımaqqa ınvestısııa tartý ákimderge júkteletinin jetkizdi.
«Investısııalyq jobalardy iske asyrýǵa qatysty kedergiler, ásirese, aımaqtarda jıi bolyp turady. Ákimder ınvestısııa tartýdyń ornyna eski ádetke salyp, bıýdjet qarajatyna senip otyrady. Al, aımaqtarǵa baryp, jumys istegisi keletin ınvestor kóptegen tosqaýylǵa tap bolady. Jergilikti bılik kóp jaǵdaıda eshqandaı áreket jasamaıdy ne bolmasa ınvestordy áýre-sarsańǵa salady. Sonyń kesirinen kásipker jobasyn keıinge shegeredi nemese birjola toqtatýǵa májbúr bolady.
Aımaqqa jeke ınvestısııa tartý ákimderdiń eń basty mindetiniń biri bolýy kerek. Jalpy, barlyq memlekettik organ el ekonomıkasyna meılinshe kóbirek ınvestısııa tartýǵa basa mán berýge tıis. Bul – negizgi basymdyq, olardyń jumysy da soǵan sáıkes baǵalanýy kerek. Másele shtat sanyn kóbeıtip, jumys tobyn quryp, jańa tujyrymdama jazýda emes. Bul, eń aldymen, memlekettik apparattyń jumys isteý tásilin ózgertetin naqty reforma. Sony durys túsiný qajet. Biz jarty jyldyń nátıjesi boıynsha Investısııalyq shtabtyń jumysyn qorytyndylaımyz. Árbir mınıstr men ákimniń osy baǵytta atqarǵan jumysyna naqty baǵa beremiz. Talap qatań bolady», dedi Prezıdent.
