foto: primeminister.kz
«Elimizge aýqymdy ınvestısııa tartýdyń taǵy bir mańyzdy sharty – Ulttyq ınfraqurylym jospary. Bul qujat sapaly ázirlenýge tıis. Oıǵa kelgenniń bárin bir qujatqa jınaqtap, sosyn bıýdjetten qarjy bólinbedi dep syltaý aıtý – qolyńnan túk kelmeıtinin moıyndaý degen sóz», dedi Prezıdent.
Memleket basshysy ınfraqurylym josparynyń negizgi basymdyqtaryn aıqyndap, atalǵan jospardy qaıta qaraýdy tapsyrdy.
«Negizgi basymdyqtardy aıqyndap, strategııalyq mańyzy bar jobalarǵa jeke ınvestısııa tartý máselesin muqııat oılastyrý kerek. Tek asa qajet bolǵan jaǵdaıda ǵana qarjylaı qoldaý sharalaryn qarastyrǵan jón», dep atap ótti Qasym-Jomart Kemeluly.
Prezıdenttiń aıtýynsha, elden zańsyz shyǵarylǵan aktıvterdi qaıtarý ınvestısııanyń taǵy bir qaınar kózine aınalýǵa tıis.
«Men bul sharýanyń baǵyt-baǵdary týraly birneshe ret aıtqan edim. Bıznes ókilderimen kezdesýlerde de osy máselege toqtaldym. Ýákiletti qurylymdar jumysty jandandyrýy kerek. Túsken qarajatty elimiz úshin mańyzy zor jobalardy júzege asyrýǵa paıdalaný qajet. Alaıda, ózge de quqyq qorǵaý organdary júgensizdikke jol bermeýge tıis. Taǵy da eskertemin, «shash al dese, bas alyp», asyra siltemeý kerek. Men mundaı jónsiz árekettiń qaı-qaısysyn da qatań aıyptaımyn.
Bizdiń basty mindetimiz – kásipkerlerdiń erkindigin shekteý emes, kerisinshe, elimizde bızneske jáne ınvestısııaǵa jaıly orta qalyptastyrý. Bul jumystyń áleýmettik ádildikti qamtamasyz etý turǵysynan aıryqsha máni bar. Mańyzdy ekonomıkalyq mindetti oryndaýdy kózdeıtin osy bastamany eshkimniń joqqa shyǵarýyna jol berilmeıdi», dep túıindedi el Prezıdenti.
