Bul aqparatty elimizdiń fýtbol federasııasy taratty. Armenııa quramasy FIFA reıtınginde jerlesterimizden jeti saty joǵary tur. Iаǵnı olar – 93-orynda. Qazaqstan – 100-orynda. Olardyń baǵyndyrǵan pálendeı belesteri joq. Desek te atalǵan komandanyń sapynda Eýropa men Azııanyń ortańqol klýbtarynda óner kórsetip júrgen birneshe jaqsy oıynshy bar. Bul eldiń basty juldyzy kezinde Doneskiniń «Shahter», Dortmýndtyń «Borýssııa», Anglııanyń «Manchester Iýnaıted» pen «Arsenal» jáne Italııanyń «Romasynda» sheberligin shyńdap, bul kúnderi Mılannyń «Inter» klýbynyń namysyn qorǵap júrgen Genrıh Mhıtarıan osydan eki jyl buryn ulttyq quramadaǵy karerasyn aıaqtaǵanyn resmı túrde jarııa etti.
Osy komandalar ózara jeti márte kezdesip, sonyń tórteýinde armenııalyqtardyń asyǵy alshysynan tústi. Qazaqstan eki ret jeńis toıyn toılady. Taǵy bir match teń aıaqtaldy.
