Qandasymyzdyń qarsylasy – Aleks Dılmaganı. 32 jastaǵy jergilikti saqa sportshynyń kásipqoılar arasynda judyryqtasyp júrgenine 15 jylǵa jýyqtady. Sol aralyqta 23 jekpe-jek ótkizip, tek ekeýinde ǵana utyldy. Jeti qarsylasyn uryp jyqty. Aleks 2011 jyly otandasy Mıkkı Kovenı men 2020 jyly Samır Zıanıden ǵana utyldy. 2019 jyly ol óziniń sońǵy básekesin byltyr qańtar aıynda chehııalyq Mıhal Dıýfekke qarsy ótkizip, ony upaı sanymen utty.
Al 27 jastaǵy Shymkenttiń týmasy Sultan Záýirbek 2018 jyldan beri sporttyń osy túrin serik etip keledi. Alty jyl aralyǵynda 16 márte rıngke kóterilip, barlyq qarsylasynan basym tústi. 12 básekede aıqyn basymdyq tanytty. Sońǵy ret Sultan 2023 jyldyń 10 qarashasynda Anglııanyń Braıton qalasynda argentınalyq Serhıo Martın Sosany altynshy raýndta tehnıkalyq nokaýtpen jeńdi. Bul jekpe-jekte WBO Global men WBA Gold nusqalarynyń chempıondyq belbeýi sarapqa salynady.
