Byltyrǵy maýsymda Magomed Adıevtiń shákirtteri S lıgasynda óner kórsetti. Ol jarysta bizdiń jigitter óte jaqsy oınap, óz kórermenderin qýantty. Jerlesterimiz Ázerbaıjan (2:0), Slovakııa (1:0, 2:1) jáne Belarýsten (2:1) basym tústi. Odan bólek, belarýstermen (1:1) teń túsip, Qap taýy qyrandaryna (0:3) ese jiberdi. Nátıjesinde, 13 upaıdy qorjynǵa salyp, birinshi oryndy ıelendi. Sonyń arqasynda dárejemiz ósip, kelesi jyly V tobynda kúsh synasý qurmetine ıe boldyq.
Bıylǵy maýsymda 3-topqa túsken Qazaqstannyń qarsylastarynyń eshbiri osal emes. Norvegııanyń aıaqdop sheberleri sonaý 1936 jyly Berlın Olımpıadasynda úshinshi oryn aldy. Álem chempıonatyna úsh márte qatysyp, eki ret (1938, 1998 jyldary) 1/8 fınalǵa deıin jetti. Eýropa birinshiliginde bir ret (2000) boı kórsetti. Skandınavııalyqtardyń quramynda bul kúnderi «Manchester Sıtıdiń» sapynda qarasylastar qaqpasyna topyrlatyp gol soǵyp júrgen Erlıng Holand syndy dúldúl bar. Martın Edegor (Arsenal), Iýlıan Rıýerson (Borýssııa Dortmýnd), Leo Estıgor (Napolı), Oskar Bobbty da (Manchester Sıtı) erekshe atap ótýge bolady. Osy oraıda biz tek úzdik komandalarda óner kórsetetin oıynshylardy ǵana tilge tıek ettik. Olardan bólek, Ispanııa, Portýgalııa, Belgııanyń tanymal klýbtarynyń jeıdesin kıgen Norvegııanyń beldi fýtbolshylary jeterlik. Qaziri kezde olar FIFA reıtınginde 44-orynda.
Dúnıejúzilik reıtıngte Aýstrııa quramasy norvegııalyqtardan áldeqaıda joǵary tur. Nemis mamany Ralf Rangnık jattyqtyratyn komanda 24-satyǵa jaıǵasty. Olardyń eń zor tabysy – Olımpııa oıyndarynyń kúmis (1936) jáne álem chempıonatynyń qola (1954) júldesi. Dúnıejúzilik dodada jeti jáne qurlyq birinshiliginde úsh ret baq synady. Aýstrııanyń sapynda da myqty fýtbolshylar jeterlik. Solardyń arasynda Davıd Alaba (Real Madrıd), Marsel Zabıtser (Borýssııa Dortmýnd), Krıstof Baýmgartner men Konrad Laımerdiń (Leıpsıg) orny bólek.
Slovenııa 1991 jyldan bastap halyqaralyq dodalarǵa qatysa bastady. Sol aralyqta álem jáne Eýropa chempıonattaryna eki retten qatysyp úlgerdi. FIFA reıtınginde olar 54-oryndy enshilep tur. Slovenııalyqtardyń sapyndaǵy «Atletıko» Madrıdtiń qaqpashysy Iаn Oblak, «Fenerbahcheniń» jartylaı qorǵaýshysy Mıha Zaıs jáne «Leıpsıgtiń» 20 jastaǵy shabýylshysy Benıamın Sheshko óreli ónerlerimen kózge túsip júr.
BAQ ókilderine bergen suhbatynda Magomed Adıev osy toptaǵy komandalardyń myqty ekenin atap ótti. «Ár qarsylasqa jeke-jeke daıyndalyp, árbir matchta jeńiske jetý úshin barynsha kúsh salamyz. Iá, Holand, Alaba sekildi juldyzdarǵa qarsy oınaǵanda kúlli álem jankúıerleriniń nazary osy matchtarǵa aýatyny anyq. Al Slovenııa – bizdiń syralǵy qarsylasymyz. Bul joly olardyń sazaıyn berýge tyrysamyz», deıdi Qazaqstan ulttyq quramasynyń bas bapkeri.
V lıgasynda bizden bólek myna komandalar ózara kúsh synasady: 1-topta – Chehııa, Ýkraına, Albanııa, Grýzııa. 2-topta – Anglııa, Fınlıandııa, Irlandııa, Grekııa. 4-topta – Ýels, Islandııa, Chernogorııa jáne Túrkııa. Al eń mártebeli A lıgasynda myna memleket fýtbolshylarynyń tartysyn tamashalaımyz: 1-topta – Horvatııa, Portýgalııa, Polsha, Shotlandııa. 2-topta – Italııa, Belgııa, Fransııa, Izraıl. 3-topta – Nıderland, Majarstan, Germanııa, Bosnııa men Gersegovına. 4-topta – Ispanııa, Danııa, Shveısarııa jáne Serbııa.
