Foto: gov.kz
«Bul sıkl bilim berý júıesiniń qazirgi máseleleri týraly jańa suraqtardyń qosylýymen erekshelenedi. Zertteýge Y. Altynsarın atyndaǵy ulttyq bilim akademııasynyń, Respýblıkalyq bilim mazmunyn saraptaý ǵylymı-praktıkalyq ortalyǵynyń, «О́rleý» BAUO sarapshylary jáne L.Gýmılev atyndaǵy EUÝ oqytýshylary birlesip ázirlegen ulttyq máseleler engiziledi», dedi Bilim berý salasyndaǵy sapany qamtamasyz etý komıtetiniń tóraǵasy Ernur Dáýenov.
TALIS-2024 boıynsha Qazaqstan pedagogteri nátıjeleriniń egjeı-tegjeıli taldaýlary qamtylǵan ulttyq esep 2026 jyly jarııalanady. Nátıjeler respýblıkanyń segiz makroóńiri boıynsha usynylady.
Vedomstvonyń baspasóz qyzmetiniń málim etýinshe Qazaqstan TALIS zertteýine 2018 jyldan beri qatysyp keledi. Onyń nátıjeleri «Pedagog mártebesi týraly» zańdy ázirleý kezinde eskerildi. TALIS (Teaching and Learning International Survey) ár alty jyl saıyn Ekonomıkalyq yntymaqtastyq jáne damý uıymynyń qoldaýymen ótkizilip keledi. Ol eń aýqymdy halyqaralyq zertteýlerdiń birine aınalǵan. Zertteý elimizdiń pedagogıkalyq korpýsynyń kúshti jáne álsiz tustaryn anyqtaýǵa jáne mektepterdegi pedagogter men bilim berý ortasynyń jumys jaǵdaılaryn táýelsiz baǵalaýǵa múmkindik beredi.
