foto: sn.kz
Mınıstrdiń aıtýynsha, qazir otandyq ǵalymdar men sheteldik sarapshylar kıikterdi atýdy toqtatý kerek degen qorytyndyǵa keldi. Sonymen qatar ormanshylar qarly dala silemderimen júre almaıdy.
«Otandyq ǵalymdarmen, halyqaralyq sarapshylarmen keńesip, pikirtalastan keıin kıikterdi atý toqtatyldy. Sonymen qatar qys mezgili bolǵandyqtan dalada kóship-qoný qıynǵa soǵady. 10 aqpannan bastap aqbókenderdiń sanyn retteýdi toqtattyq», dedi Nysanbaev.
Onyń boljamy boıynsha, Qazaqstandaǵy kıikterdiń sany jaqyn arada 2,5-2,6 mıllıonǵa jetedi.
«Byltyrǵy kıik tóliniń sanyn eskere otyryp, bıyl mamyr aıynda muqııat egjeı-tegjeıli sanaq júrgiziledi. Boljam boıynsha, 40 paıyzǵa ósti dep aıta alamyn. Jalpy, tóldeý kezinde, esepke alsaq. Byltyrǵy kıik tóli boıynsha popýlıasııa shamamen 2,5 – 2,6 mıllıon bas bolady. Sonymen qatar kıik tóli boıynsha pessımıstik boljamdy alsaq ta – bul 30 paıyzdy qurasa, taǵy da plıýs shamamen 700 – 750 myń bas bolady dep kútemiz», dedi mınıstr.
